1 Samuel 7:13 - Kashibo-Kakataibo Biblia

¹³ Usakin ka Israel suntárukama filisteokaman ꞌakëxa, usakian ꞌakëx ka amiribishi Israel kaman menu kuantëkëama ꞌikën; usa ꞌain ka Samuel atubë tsókëpan ꞌain filisteo unikaman atu ubioxuma ꞌanun Nukën ꞌIbun ꞌimiakëxa.

1 Samuel 7:13 ပူးပေါင်းရင်းမြစ်များ

Jueces 13:1

Usa ꞌain ka Israelkama an ismainunbi ñu ꞌatima ꞌatëkënia okin Nukën ꞌIbun filisteo unikaman cuarenta baritia ꞌimikin tëmëranun ꞌimiakëxa.

Jueces 13:5

ësokin kamina ꞌati ꞌain, ami bakënti tuá ax ka Diosan uni achúshi ꞌikën kixun unikaman ꞌunánun ka kania uínbi ain bu tëatima ꞌikën, an pain ka filisteo unikaman ꞌatima oia israel unibu ꞌakinti ꞌikën, ainanshi ꞌinun ka Diosan bakënkë ꞌikëmabi kaisaxa.

Jueces 8:28

Usa ꞌain ka madianita unibunëx Israelkama abë ꞌakanankin atu kananxun atu bikë ꞌaish, anuax kaitëkëni cuarenta baritia sënë́mi amiribishi Gedeón a menu tsókëpan ꞌain atubë ꞌakanantëkëama ꞌikën.

1 Samuel 12:11

Usakin ñukákëxun ka Nukën ꞌIbun Jerubaal, Barac, Jefté ꞌimainun ka Samuel mitsu ꞌakinun kixun xuakëxa, xukëxun kananuna axa mitsumi nishkë unikaman ꞌibuakë ꞌikëbi mitsu ꞌakiankën upitaxmi bukukanun.

1 Samuel 5:9

Usakin buánkë aínbi ka Nukën ꞌIbun Gad kakë ëmanu tsókë unikama ꞌinsíni ku ꞌirumainun tuákamaribi ku ꞌiruax tëmëranun ꞌimiakëxa.