1 Samuel 7:12 - Kashibo-Kakataibo Biblia

¹² Usakin ꞌan ka Samuelnën achúshi mapara chaiira bixun Mispá kakë ëmabëa Sen kakë me sënënakëkë anu nitsíankëxa, nitsintankëxun ka Eben-ézer kakin anëakëxa anëi ka ësai kiakëxa: “Bërí ka ënuxun Nukën ꞌIbun nukama ꞌakianxa kiax kiakëxa.”

1 Samuel 7:12 ပူးပေါင်းရင်းမြစ်များ

Génesis 22:14

Usokin ꞌatankëxun ka Abrahamnën anuxuan usakin ꞌakë matá me anëkin: Nukën ꞌIbun ka nun sinánkëma ñu nu ꞌinania kixun anëakëxa, usa ꞌain ka bërí uni kia: Nukën ꞌIbun ka a matánuxun ꞌasaribiokin ꞌakinia kiax kikania.

Génesis 35:14

kuankëbëtan ka achúshi maxá chaxkë́ bitankëxun nitsinkin ꞌunántiokin nankëxa, anuaxa Nukën ꞌIbu Diosbë banakë a menu; usakin ꞌatankëxun ka ënëx ka Dios ꞌaxunkë ꞌikë kixun xëni ꞌimainun uvas baka aribi ami anpënkakëxa,

Éxodo 17:15

Anu ka Moisésnën achúshi ñu anuxun Nukën ꞌIbu rabikin ñuina xaroti ꞌakëxa, ꞌatankëxun Diosan aín kushin nu ꞌakinkëxun kananuna ax numi nishkë unikama këñukin ꞌa kixun kakin anëakëxa,

Hechos 26:22

Atúan ꞌë ꞌaisa taniábia Nucën Papa Diosan ꞌë ꞌaquinia ꞌë ꞌacëma ꞌixun cana ꞌën ꞌacësabi oquin uni aín cushibu ꞌimainun cushimacamaribi, Nucën Papa Dios ñuiquin bana ñuixunin. ꞌËn unicama ñuixuncë bana ax ca bëtsima, Moisés ꞌimainun an Nucën Papa Dios quicë bana uni ñuixuncë unicamanribia, usai ca ꞌiti ꞌicë quixun ñuia bana abi ꞌicën.

2 Corintios 1:10

Nuxnu bamati ꞌicëbi ca Nucën Papa Diosan nu ië́miaxa. Usa ꞌixun ca usabi oquin nu ꞌati ꞌicën. Cananuna ꞌunanin, mitsúnmi a nu ñucáxuncëxun ca an ꞌacësabi oquin nu ië́miti ꞌicën. ꞌItsa unían a nu ñucáxuncëxuan, an nu ië́mianan nu ꞌaquincë cupí, nun upí oquin bana ñuixunia cuati ca ami sinánquin ꞌaisamaira unin cuëënquin, asábi ca quixun caquin Nucën Papa Dios rabiti ꞌicën.

Josué 4:9

ꞌAmainun ka Josuénënribi mapai rabë́ ꞌimainun rabë́ maxáx bixun anua sacerdotekamax bunántisa okin ꞌakë kurin ratakakakë anua Diosan bana usai ꞌiti ꞌarukë a ꞌiax baka ëskikë nëbë́tsi sëtë́kë anubi bukunrukin nankëxa. A maxákama ka bëríbi anu ꞌikë kixun ñuikin atun aintsikama ñuixunkankëxa.

1 Samuel 14:35

Usakin atun ꞌamainun ka Saúlnën suntárukaman ꞌitánun, abi ꞌatabakin anuxun Nukën ꞌIbu rabiti ꞌakëxa.

1 Samuel 4:1

Usakia kakëxun ka Samuelnën kamabi Israelkama bana ñuixuankëxa. Achúshi nëtën ka filisteo suntárukamax Israel kamabë ꞌakánanti sinanx timë́kankëxa, usaía ꞌikëbë ka israel suntárukamaxribi atubë ꞌakananux mëníokakëxa, mëníokakiani rikianx ka Eben-ézer kakë anu bëbax anu ꞌikankëxa. ꞌImainun ka filisteo suntárukamaxribi ëma Afec kakë me sapan ꞌikë anu timë́akëxa,

1 Samuel 5:1

Usakin atu ꞌaxun bixun ka bunántisa okin ꞌakë anua Diosan kushi ꞌikë a filisteo unikaman Eben-ézer anuxun bibiankin atun ëma Asdod kakë anu buánkëxa;

1 Samuel 7:11

Usai abákëbë ka israel suntárukama Mispá kakë ëma anuaxbi kuankin nuibiankin abë ꞌakanankin nukuxun filisteo unikama atu kupitanuma ꞌakin, Bet-car kakë ëma anu bërúkin ꞌakëxa.