1 Samuel 6:6 - Kashibo-Kakataibo Biblia

⁶ Uisa kupí kaina mitsun bana kuakëmasa oi egipcio unikama ꞌimainun faraón ꞌiásai ꞌikanin, atuxka Israel unikama Diosan ꞌatimokëxun aín menua chikinuxun bana kuatima ꞌia usai ꞌikanin.

1 Samuel 6:6 ပူးပေါင်းရင်းမြစ်များ

Salmos 95:8

mitsun nuitu kamina Meribá kakë menuxun ꞌasaribiokin iruatima ꞌain; a nëtëkaman mi anu uni ꞌikëma me Masá kakë anuxun ꞌakansaribi okin,

Éxodo 10:3

Usa ꞌain ka Moisés ꞌimainun Aarónën anu kuanxun ꞌapu faraón kakëxa: —Ësai ka hebreos unikaman Dios kiaxa: ¿Uínsaran kaina ꞌëx kana Diosmi rakuë́timami kikë a ëni ꞌëmi rakuë́ti ꞌain? ꞌËn unikama kamina, ꞌë rabi kuantanun xuti ꞌain;

Éxodo 14:17

ꞌËn kana egipcio unikama aín sinan iruarakin mitsu kuania nuinun ꞌamiti ꞌain; usai ꞌia kana ꞌën kushi ismikin ꞌapu faraón aín suntárukama ꞌimainun kamabi aín caballonën nikinkë anuaxa ꞌakanankë a kamakëñunbi uisa kushiñu karana ꞌëx ꞌai kixun isnun ismiti ꞌain.

Éxodo 14:23

Usai ꞌikëbë ka kamabi caballonuax ꞌakanani kuankë ꞌimainun faraónën suntárukama ꞌimainun atun caballonën nikinkëkama an atu kaxú ꞌatsinkiani kuankin parúmpapa nëbëtsin obiankin nuibiankëxa;

Éxodo 4:21

Usa ꞌain ka Nukën ꞌIbun Moisés bërámabi kakë ꞌiakëxa: —Egipto menu bëbaxun kamina ꞌën mi, ꞌanun kakë ñukama ꞌapu faraónën ismainun an iskëma ñu min tsati anun ꞌën mi kakësabiokin ꞌati aín. ꞌËn kana ꞌapu faraónëan min kakëxunbi kuaisamatankin aín sinan iruarakin Israel unibu kuantanun xuxunma ꞌanun ꞌimiti ꞌain.

Éxodo 7:13

Usa ꞌoia iskinbi ka faraónën aín sinan iruarakin, Nukën ꞌIbun Moisés ꞌimainun Aarón kakësabiokin aín bana kuaisamatankëxa.

Éxodo 7:14

Usakin ꞌakë inúkë ꞌain ka Nukën ꞌIbun abë banakin Moisés kakëxa: —Egiptonu ꞌikë ꞌapu faraónën ka aín sinan iruarakin ꞌën uni Israelkama kuantanun xuisamatania.

Éxodo 8:15

Usakin ꞌaia isi aín sinan asábi tani kuëënkinbi ka faraónën, aín sinan atiainra iruarakin Moisés ꞌimainun Aarónën kakëxunbi kuaisamatankin Nukën ꞌIbun Diosan kakësabiokin Israel unikama xuisamatankëxa.

Éxodo 8:32

ꞌAínbi ka usa oia iskinbi faraónën aín sinan iruarakin Israel unikama kuantanun ëinsama tankëxa.

Éxodo 9:16

usa ꞌaínbi kana ꞌën kushi ismiti kupín mi uisabi okëma ꞌain, kamabi menu ꞌikë unían ꞌëx kana usa kushiñu ꞌai kixun ꞌunánun.

Éxodo 9:34

Usokin ꞌakëbëa ꞌuí ꞌibutíma ꞌianan matsin tita pakëtima ꞌimainun kaná banai nëtë́tia isi ka amiribishi ꞌapu faraón ꞌuchakëxa. Usai ꞌuchamainun ka ꞌain unikamaribi ꞌuchakin, aín sinan atiaira iruarakëxa.

Romanos 2:5

Usa ꞌaínbi camina min sinan ꞌaisama ꞌaish sinanaisama tan. Usai ꞌiquin camina ënquinma camabi nëtën ꞌatima ñuishi sinánquin usaquin ꞌain. A cupí camina anúan Nucën Papa Diosan ꞌuchañu unicama aín ꞌucha cupí castícanti, a nëtën ꞌaisamaira oquin castícancë ꞌinuxun ꞌain.

Hebreos 3:13

Usai ꞌima camina micama uinu ꞌicëxbi ꞌatima ñu ꞌatishi sinani Nucën Papa Diosmi manúti rabanan, camabi nëtën, axa Jesucristomi catamëcë unicamabë ami upiti sinánmiananti ꞌain, ënë nëtëa cëñútisama pan ꞌaínshi.