1 Samuel 6:19 - Kashibo-Kakataibo Biblia

¹⁹ ꞌAínbi ka Nukën ꞌIbun Bet-semes anu tsókë unikama raíri bunántisa okin ꞌakë ꞌain namë isia bamanun ꞌimiakëxa. Usokin ꞌakin ka setenta nukëbënë uni Nukën ꞌIbun këñuan ka anun rabanan anu tsókë unikama inkankëxa Diosan usakin atu ꞌimikë ꞌain.

1 Samuel 6:19 ပူးပေါင်းရင်းမြစ်များ

2 Samuel 6:7

Usakia bunántisa okin ꞌakë, aín mëkënan Uzánën tuinkin bikë ka Diosan xuamati nishkin anuxunbi bamanun ꞌimikëx Uzá bunántisa okin ꞌakë a tanainbi nipakëti bamakëxa.

Éxodo 19:21

mapërakëkë ka Nukën ꞌIbun Moisés ësakin kakëxa: —Kuabutankëxun kamina unikama kati ꞌain, anu sënë́onkin ꞌunántiokë a chichaxuma ꞌanan ka ꞌë iskatsikixun sinánbëtsini ukantima ꞌikën, ꞌë iskatsikiax aí ka atúxbi bamati ꞌikën.

Éxodo 33:4

Ësakin Diosan kakëx utankëxun ka Moisésnën Israel unikama bana ñuixuankëxa. Ñuixunkëxun kuati ka Israel unibu masá nuituti nitë́xëkin atun tëñutikama uínbi tëñuama ꞌikën,

Colosenses 2:18

Atúnbi ca —ꞌëx asama ꞌixun cana Nucën Papa Diosma ángelcamaishi rabiti ꞌai —quixun sinánquin atúnbi sináncë ñu ñui rabíquin unicana bana ñuixunia. Usa ꞌain camina Cristonan ꞌiti ëntin rabanan atúan mitsu ñuixuncë bana a tantima ꞌain.

1 Pedro 4:17

An aín bana ꞌacë unibi ca Nucën Papa Diosan uisai cara ꞌia quixun isia. Usa ꞌixun ca an aín bana cuacëma unicama aira atun ñu ꞌatima ꞌacë isquin uisaira cara oti ꞌicë usoquin ꞌati ꞌicën.