1 Samuel 6:14 - Kashibo-Kakataibo Biblia

¹⁴ Kuëënkëbë ka carreta anua Josuénën me Bet-semes ꞌikë anu nirakëakëxa. Anua maxá chaiira ꞌikë anubi nirakëakëxa. Nirakëkëbëtan ka Bet-semes anu tsókë unikaman carreta ꞌakë ꞌi abi karuaxun anun vaca rabë́ a ꞌaímai këñutanun Nukën ꞌIbu xaroxuankëxa.

1 Samuel 6:14 ပူးပေါင်းရင်းမြစ်များ

1 Reyes 19:21

Usokia kakëx ka Eliseo anuax Elías ëbiani kuankëxa, kuanxun ka vaca bënë rabë́ a me tukamikë a rëtankëxun chánkapatankëxun i maxu tëakë anúan vaca bënëkama me tukamikia ami manë pará nëakëkama abi tëapaxun tsi tikatankëxun anu vaca namikama ꞌaruakëxa, ꞌaruxun ka an ñu mëëxunkë unikama pimiakëxa. Usokin ꞌabiani ka Elías baribiani a kaxu kuanx anu ꞌakini abë ꞌi bërúakëxa.

Éxodo 20:24

Anuxun ñuina xaroti achúshi ꞌakin kamina mebi chaiorukin ꞌati ꞌain, ꞌatankëxun kamina ꞌë rabikin achúshi fiesta ꞌakin mitsun ꞌarakakë ñuina rëtankëxun ꞌaímai këñutanun mitsun ꞌucha kupín ꞌanan anuxun ñuina xaroti ꞌain. Usakin ꞌaia kana ꞌën upíokin sinánxunkin uinu ꞌikë menuxunbi kara aín ñuina ꞌëmi sinánkin xara oia a menuxun ꞌakinti ꞌain.

Jueces 6:26

ꞌimainun kamina anua ꞌikë aín bashi manámi anubi anuxun ñuina xaroti achúshi min Dios ꞌaxúnti ꞌain. ꞌAtankëxun kamina, vaca ain bënë bëtsi pain bitankëxunmi tsiankin bikë a ꞌë ꞌaímai këñutanun xaroxunkin i upí a rabikë ꞌikëbi nipakë abi karuaxun anunbi xaroti ꞌain.

1 Samuel 11:5

Usai nishkankëbë ka Saúl ain pastonuax vaca bënë raíri bëi ukinbi usaía inkania iskin ñukákëxa: —¿Uisai kara unikama ꞌiax? ¿Uisai ꞌiax kara kamabi unikama inin? Kia ka Jabésnu ꞌikë unikaman kuanxua ñuikë bana a ñuixukin kakëxa.

1 Samuel 20:29

Ñukákin ka ꞌë koonxa aín aintsikamainsa ñuina xaroia, usa ꞌainsa atubëtan fiesta aín ëmanuxun ꞌai kuanuinsa aín xukë́n apanën kamiaxa. Usa ꞌain ka ënuxun ꞌakinma aín aintsikama isanan anuxun ꞌai kuankatsia kixun ka ꞌë konxa. Usa ꞌaish ka nubëtan pinux tsóbuti ukëma ꞌikën

1 Samuel 6:13

Usokin ꞌabiani kuanmainun ka Israel unikama Bet-semes me sapannu tsókë raírinën trigo bimi biakëxa, bikinbi ꞌurakëo bunántisa okin ꞌakë anua Diosan bana ꞌikë a buánkania mërai ka ꞌitsaira kuëënkankëxa.

1 Samuel 6:18

ꞌimainun ka makún tankin kuri ꞌakëkama ax ka filisteo unikaman ëma mapai achúshi abëtan sënën ꞌinánan ëmakama ënënmenma buinarakin kënëkë a ꞌimainun ëma chukúma kënëkëma akamabëtan sënën ꞌakë ꞌiakëxa. Maxá chaiira akamanan bunántisa okin ꞌakë kurin ratakakakë nan ax ka anua Josuénën me ꞌikë, Bet-semes anua bëríbi istisa ꞌikën.