1 Samuel 6:12 - Kashibo-Kakataibo Biblia

¹² ꞌArukin sënë́onkëbë ka vaca rabë́ ax Bet-semes kakë menu anun kuanti bain ami kikiani ꞌain tuá kuëëni vaca ꞌinkësai ꞌikiani kuani, amo pátsinima a puntëishi kuankëxa. Kuamainun ka mapai achúshi filisteo ꞌapukama ax, a kaxú kuani Bet-semes kakë me sënënakëkë anu a nuibiani kuankëxa.

1 Samuel 6:12 ပူးပေါင်းရင်းမြစ်များ

Éxodo 8:15

Usakin ꞌaia isi aín sinan asábi tani kuëënkinbi ka faraónën, aín sinan atiainra iruarakin Moisés ꞌimainun Aarónën kakëxunbi kuaisamatankin Nukën ꞌIbun Diosan kakësabiokin Israel unikama xuisamatankëxa.

Números 20:19

Kixun kakëxunbi ka Israel unikaman amiribishi katëkëankëxa: —Anun kuanunmi nu kakë bai cha anuinshi kuankin min me naëkë kamanua ꞌumpax mëraxun xëanan nun ñuinakama xëamixun kananuna mi kupíoti ꞌain. Usa aín kananuna min me ënuaxëshi bënëkiani kuanti ꞌain.

1 Samuel 6:11

tëkërëkaxun ka carretanu bunántisa okin anua Diosan bana ꞌarukë kurin ratakakakë a ꞌaruanan bunánti chukúma anua kuri makún tankin ꞌanan ku tankin ꞌakë aribi ꞌaruakëxa.

1 Samuel 6:13

Usokin ꞌabiani kuanmainun ka Israel unikama Bet-semes me sapannu tsókë raírinën trigo bimi biakëxa, bikinbi ꞌurakëo bunántisa okin ꞌakë anua Diosan bana ꞌikë a buánkania mërai ka ꞌitsaira kuëënkankëxa.

1 Samuel 6:9

ꞌAínbi kamina ësokin ꞌunánti ꞌain: vaca rabë́ axa Bet-semes anua Israel unikama me sënë́nkë au kikiankin carreta uankë ax ka Israel unikama aín Diosan nu ꞌatimokin nu tëmëramikë ꞌikë kixun ꞌunánti aín; ꞌaínbia vaca rabë́ ax anua ain tuá ꞌikë xubu ami kikiani kuankëbëtan kananuna, ax ka an nu tëmëramikëma, nuxnu usai ꞌiti ꞌain ka ꞌia kixun ꞌunánkanti ꞌain.