1 Samuel 4:5 - Kashibo-Kakataibo Biblia

⁵ Usakin bëia isi anua atux bukukë anu bunántisa okin ꞌakë kurin ratakakakë a nukukëbë ka, Israel suntárukamax ꞌitsaira kuëëni me banami chirinkin me shaíkaisa oi ꞌikankëxa.

1 Samuel 4:5 ပူးပေါင်းရင်းမြစ်များ

2 Samuel 15:24

Atubë ka achúshi uni Sadoc kakë ꞌimainun kamabi levita kuankin atun bunántisa okin ꞌakë anua Diosan mëníokë ñu ꞌakë buánkëxa, uanxun ka Abiatar kakë anu kamabi unia ëmanuax chikitamainun an bërúanun anu ëankëxa.

1 Reyes 1:40

Usakin ꞌatankëx kuëënkin ka kamaxunbi paka a banoti ꞌakë a banobiani kuankin nuibiankankëxa. Usakin ꞌabiani ꞌitsaira kuëëni sharákiani kuania chirinkankë anunbi ka me panárabëti tukisa ꞌinun ꞌiakëxa.

Jeremías 7:4

Usa ꞌain kamina axa këmëi mitsu paráni banai ësai kikë a unikama ami rarámatima ꞌain. Atun ka ësai kikin mitsu kati ꞌikën: ¡Ënu ka anuxun Dios rabiti xubu ꞌikën!

Amós 6:3

Mitsun kamina upiti bukukinbi uisa ñu kara inuti ꞌikë a ꞌunánkaniman, usa ꞌain ka a sinanimami bukukë a ñunbi mitsu ꞌatima oti ꞌikën.

Miqueas 2:11

Bëtsi unix ka këmëkin abi sinanx ësai kia: ꞌËn kana uvas baka ꞌakë ꞌimainun bëxnan ñui kin, ësaia an bana ñuikë unikama këmëi kikë ax ka ënë ëmanuxun mitsun kuakëx asábi ꞌikën.

Josué 6:20

Usai ki Josué sënë́nkëbëtanshi ka aín carnero mancha banokankëxa. Bana oia kuatishi ka Israel suntárukamax, munuma kuënkëni sharati kikankëxa. Kikëbëshi ka ënën menma buinarakin ëma kënëarakë ax rurukubuakëxa. Usaia ꞌikëbë ami kikiani abákiani kuankin ami bëbarukin ëma ꞌibuakankëxa.

Josué 6:5

Usakin banokian aín sënë́nkë a upíira ꞌinun tsiskëpakin ꞌaia kuatia kushiira kuënkënkankëbë ka anun ëma bëararakin kënëara ax rurukubuti ꞌikën. Usai ꞌia isi ka suntárukama ëmami kikiani kuanti ꞌikën.

Jueces 15:14

Chikin bëtsinkin bëkëxa Lehi anu bëbakëbë ka filisteo unikama abë mëranani ꞌitsaira kuëëni kuënkëni chikiakëxa. ꞌAínbi ka Diosan bëruñunshinan ꞌamikëxun Sansónan anúan aín pëñan këñun aín mëkën tëkërëkakë itsikama a tëkapakëxa, tsin xarokë lino risikama ꞌakësokinshi;

1 Samuel 4:6

Usai kuëëni sharati ꞌia ka filisteo suntárukaman kuakëxa, kuati ka atúxbi ñukákanani kikankëxa. ¿Uisakatsi kara Israel suntárukamax anua atux bukukë anuax ꞌaisamaira sharatin? Usa ꞌain ka Israel suntárukaman bunántisa okin ꞌakin kurin ratakakakë anu Diosan bana kuënëokë ꞌarukë anua atux bukukë anu buánkë filisteo suntárukaman kuakëxa,