1 Samuel 4:21 - Kashibo-Kakataibo Biblia

^21-22 Usai ꞌixun ka ashikin aín tuá Icabod kakin anëakëxa. Anëi ka ashiti ësai kiakëxa: “An Israel kama ꞌakinti ka ꞌaíma ꞌikën, bunántisa okin ꞌakë anua Diosan bana kuënëokë ꞌarukë a bikanxa.” Ësai ka xanu ax kiakëxa, usa ꞌixun ka bunántisa okían ꞌakë a bianan filisteo suntárukaman aín bënë rëtëkë kuanan aín kuku ñukë añui kiakëxa.

1 Samuel 4:21 ပူးပေါင်းရင်းမြစ်များ

Jeremías 2:11

usa ꞌain ka an Diosan bana kuakëma unikaman kara a rabitia ꞌakë ñukama ëanxa kixun ñuikania uínsarabi kuakëma ꞌikën. ¡A ñukamax ka këmëkinshia ꞌakë ñu ꞌikën! ꞌaínbi ka ꞌën kaisa unikaman, kushiira ꞌikëbi ꞌë rabiti ënxun bëtsi ñukama rabia.

1 Samuel 14:3

Siló kakë menu ꞌikë sacerdote Ahías ax ka anbia usakin ꞌakë ꞌixun lino ꞌakë chupa efod kakë a uankë ꞌiakëxa. Ax ka Ahitud aín bakë bëchikë Icabodnën piaka ꞌiakëxa, ꞌimainun ka Fineesnën bakë bëchikë Elí, Nukën ꞌIbun sacerdote Silónu ꞌikë aín baba ꞌiakëxa. Usa ꞌaínbi ka aín unibë ka Jonatán kuanxa kixun unin ꞌunánma ꞌikën.

1 Samuel 2:34

Usai ꞌimainun ka min bakë bëchikë rabë́, Hofní ꞌimainun Finees minmi ꞌë kakësabi oi ka ꞌia kixun mi isnun a nëtënbi a rabëtaxbi ñuti ꞌikën.

1 Samuel 3:12

A nëtë ꞌikëbëtan kana a nëtënbi, uisakin aín aintsi anuxun karana Elí kan usaibia ꞌinun ꞌimiti ꞌain.

1 Samuel 4:11

ꞌAnan ka filisteo suntárukaman anua Diosan bana kuënëokë ꞌarukë bunántisa okin ꞌakë aribi Israel suntárukama ꞌakin, bianan ka Elínën bakë bëchikë rabë́ Hofní ꞌimainun Finees aribi rëtëkankëxa.