1 Samuel 4:17 - Kashibo-Kakataibo Biblia

¹⁷ —Israel suntárukama nux kananuna filisteo suntárukaman ꞌaisamaira okin uni ꞌakëbë kana abán, —kixun ka ax abákë uni an kakëxa—. Kanan ka nun suntárukama ka kupitanunma ꞌitsaira rëtëkanxa, usokin ꞌakin ka min bakë bëchikë Hofní ꞌimainun Finees a rabë́ribi ꞌaxa ꞌanan ka bunántisa okin ꞌakë anua Diosan bana kuënëokë ꞌarukë aribi filisteo suntárukaman biaxa kixun kakëxa.

1 Samuel 4:17 ပူးပေါင်းရင်းမြစ်များ

1 Samuel 2:34

Usai ꞌimainun ka min bakë bëchikë rabë́, Hofní ꞌimainun Finees minmi ꞌë kakësabi oi ka ꞌia kixun mi isnun a nëtënbi a rabëtaxbi ñuti ꞌikën.

1 Samuel 3:11

Kakëxun ka Nukën ꞌIbun ësokin kakëxa: —ꞌËn kana a kuatia rakuëtan bamai bërëtanun añu kara Israelkaman menu ꞌati ꞌain.

1 Samuel 3:12

A nëtë ꞌikëbëtan kana a nëtënbi, uisakin aín aintsi anuxun karana Elí kan usaibia ꞌinun ꞌimiti ꞌain.

1 Samuel 4:16

Usa ꞌikë ka uni an nukúkin kakëxa: Bëríbi kana anuaxa ꞌakanankankë anuax uisaibi kara ꞌiakë kuatsini bamati ꞌaishi aín. ¿Uisai kaina ꞌikan ꞌën bakë bëchikën? kixun ka Elínën ñukákëxa.

1 Samuel 4:18

Usakin nu ꞌakin ka suntárukaman bunántisa okin ꞌakë a biaxa kixun ñuia kuatira ka, Elí anun ëmanu atsínti xëkuë rapasu tsótaxbi kaniakëkëira ꞌaish aín ratúkënanbi kaxutan nipakëti tëtsasikiti ñuakëxa. An ka cuarenta baritia Israel unikama atun ꞌapu ꞌixun ꞌakiankëxa.