1 Samuel 4:12 - Kashibo-Kakataibo Biblia

¹² Usokian ꞌakëbë ka Benjamínën rëbúnkinën aintsi suntáru achúshinëx anuaxa ꞌakanankë anuax abákëxa, abátankëx ka aín aintsikama Siló kakë ëmanu bukukë a nëtënbi bëbaxun chanioi kuankëxa. Kuania iskankëxbi ka aín chupa nushi nushira ꞌianan aín maxká men chuarukë ꞌiakëxa.

1 Samuel 4:12 ပူးပေါင်းရင်းမြစ်များ

2 Samuel 1:2

Anu ꞌixunbi ka Davidnën Saúl ka ain bakë bëchikë rabëbë bamaxa kixun ꞌunánma ꞌikën, usa ꞌain ka rabë́ ꞌimainun achúshi nëtë ꞌikëbë anua Saúl ꞌikë anuax uni achúshi aín chupa tukibukë ꞌixun ain maxkánu chimaputan matakakiax ꞌitsaira masá nuituti kuatsini uakëxa. ꞌAi ka anu bëbai David bëtánain aín bëmánanën me tikai tëtúbuti tsóbuakëxa.

2 Samuel 15:32

David aín bashi manámi anuxun Dios rabiti anu kuankëbëbi ka abë mëranani Husai kakë uni arquita ax kuani aín chupa tukibukë ꞌimainun ꞌain maxkánu me kupúkënën matakakiax kuankëxa.

Nehemías 9:1

A ꞌuxënbia veinticuatro nëtë ꞌikëbë ka anun Israel unikamax añu ñubi pima samanux timë́tëkënkankëxa; usai ꞌikin chupa xënikama pañuanan me bitankëx atun maxkánu anun matakakiakëxa;

Job 2:12

Kanankiani anua ꞌikë anu bëbai kuankinbi ka ꞌuranxunshi anu Job tsókë iskinbi ax ka a ꞌikë kixun ꞌunani ka munuma kuënkëni a kamaxi iankëxa, usai ꞌi ꞌitsaira atúxribi masá nuituti atun tari tukakin a kamaxunbi manámi mësukin me putu puti anunbi matakakikankëxa.

Jeremías 26:6

usa ꞌain kana mitsunmi ꞌën kakëxun kuaisama tankëbëtan anuxun ꞌë rabikë xubu ënë Silónu ꞌikë a ꞌasaribiokin ꞌati ꞌain. Usakin ꞌakëbë ka Jerusalén ëma ënëmi kuaiti ꞌikën.”