1 Samuel 4:10 - Kashibo-Kakataibo Biblia

¹⁰ Usa ꞌain ka filisteo suntárukaman atubë ꞌakanankin israel suntárukama ñusma oxun ꞌaisamaira okin ꞌakëxa, usaira okían ꞌakëx ka anuaxa ukë atun ꞌikënubi abákankëxa. Usakia ꞌakëx ka bamakë unikama ax ꞌaisamaira ꞌaish treinta mil suntáru israel rëtëkë ꞌiakëxa.

1 Samuel 4:10 ပူးပေါင်းရင်းမြစ်များ

2 Samuel 18:17

Usa ꞌain ka suntárukama raírinën Absalón ñukë a buánxun atúnbi ninua ꞌikë kini chaiira anu nipakankëxa, anu nipaxun ka a manámi ꞌaisamaira chaiorukin aín chabukëñunbi maxá bukunruakëxa. Usakin ꞌamainun ka Israelnën suntáru bamakëmakama atux nuibianxuan ënkëx abati rikianx atun xubunu rikiankëxa.

2 Samuel 18:7

Usai atubë ꞌakanankin ka Davidtan suntárukaman kupitanuma Israelnën suntárukama ꞌakëxa. ꞌAkëx ka a nëtën ꞌaisamaira uni veinte mil suntáru bamakëxa.

2 Samuel 19:8

Ësokian kakëx ka ꞌapu David nirukiani kuantankëx anun ëmanu atsínti xëkuënu tsóbuakëxa. Usai anu tsókë kuabiani kuanx ka anua ꞌapu David tsókë xëkuë a rapasu aín suntárukamax nirakëkankëxa. Usai anu nirakëkin ka kamaxunbi ꞌapu kakankëxa. Usai ꞌimainun ka kamabi Israel suntárukamax atun xubunu abákankë ꞌiakëxa.

1 Reyes 12:16

Usa ꞌain ka axa a isi kuankë Israelnën ꞌapukama atun kakëxun kuaisama tankë a sinánkin ësokin atun kakankëxa: “¡Nukaman kananuna Davidtan aintsi nun ꞌapu ꞌiti kuëënima! ¡ꞌImainun ka Jesénën bëchikë Davidtan añu ñubi nu ꞌaxunkëma ꞌikën!” ¡Nun xubunubi kananuna kuantëkënti ꞌain kiax ka israel unikama kanankëxa! ¡Usa ain ka David ain aintsikaman ꞌapubi ꞌiti ꞌikë kiax ka kikankëxa! Ësokin kabiani ka Israel unikama aín xubunubi rikiankankëxa.

1 Reyes 22:36

Usa ꞌaínbi ka bari kuabúkëbëtan Israel suntárukama aín ꞌapukama ësai kia kuakëxa: “¡Mitsun xubunubi rikianan kamina mitsun menubi kuanti ꞌain,

Jeremías 7:12

Anuxun ꞌë rabiti xubu Silónu ꞌikë anuxun pain ꞌë rabikin pëukan a karana ꞌën uni Israelkaman ꞌucha kupí uisokën, kixun kamina anu kuantankëxun isi kuanti ꞌain.

1 Samuel 3:11

Kakëxun ka Nukën ꞌIbun ësokin kakëxa: —ꞌËn kana a kuatia rakuëtan bamai bërëtanun añu kara Israelkaman menu ꞌati ꞌain.

1 Samuel 4:2

anuxun ka filisteo suntárukaman pain israel suntáru ꞌakin pëuakëxa, pëuax abë ꞌakanankin ñusma oxun ꞌakin ka cuatro mil Israel suntáru rëtëkankëxa.