1 Samuel 31:6 - Kashibo-Kakataibo Biblia

⁶ Usai ka a nëtënbi Saúl ꞌimainun aín bakë bëchikë rabë́ ꞌimainun achúshi akama ꞌianan an aín manë pará tuinxukë uni ꞌimainun kamabi abëa abákë suntárukama atúxribi bamakëxa.

1 Samuel 31:6 ပူးပေါင်းရင်းမြစ်များ

2 Samuel 1:1

Usa ꞌain ka Saúl ñukë ꞌain David aín unikamabëtan amalecita suntárukama abámikin ꞌabiani Siclag kakë ëmanu kuantëkëankëxa, kuanx ka anu rabë́ nëtën bërúakëxa.

2 Samuel 1:12

ꞌitsaira ꞌatimokin sinani ini Saúl ꞌimainun ain bakë bëchikë Jonatán bamakë kuati ꞌianan ꞌakanankian israel suntárukama Diosan ꞌakinkë ꞌikëbi, bëtsi unikama abámikin ꞌakë a sinánkin bari kuantamainun añu ñubi pima samákankëxa.

1 Samuel 11:15

Usa ꞌain ka kamabi uni Gilganu kuankëxa, anuxun ka Nukën ꞌIbun ismainunbi ax ka ꞌapu ꞌia kixun timë́kamë ꞌëoxun Saúl anëakëxa. Usakin anëtankëxun ka nuibanankin ñuina rëxun xaronan pi ꞌitsaira israel unikama Saúlbëbi kuëënkankëxa.

1 Samuel 12:17

Mitsúnbi kamina ꞌunan bërí ka anun trigo bimi biti ꞌuxë ꞌikën, ꞌaínbi ka ꞌuñe ꞌibutíma, ¿asérabi kara usa ꞌik? Usa ꞌaínbi ka ꞌën ñukákëxun Nukën ꞌIbun ka kaná banamianan uñeribi ꞌibúnun ꞌimiti ꞌikën, usokin ꞌakëbëtan kamina mitsun sinanakin ꞌunánti ꞌain, nun kananuna Nukën ꞌIbu kuëënkëma ñu ꞌakin achúshi ꞌapu nu ꞌinánun ñukákën kixun.”

1 Samuel 12:25

Usokin ꞌakinkëxunbi mitsun amiribishi ꞌaisama ñu ꞌakin ismikëxun ka mitsun ꞌapu këñunbi axa mitsumi nishkë unikaman këñukin ꞌanun ꞌamiti ꞌikën.

1 Samuel 28:19

Usa ꞌain ka Nukën ꞌIbun Israel suntárukama këñun mi ribi filisteo suntárukaman abámikin ꞌanun ꞌamiti ꞌikën, ꞌimainun ka imë́ishi mi ꞌimainun min bakë bëchikëkama ꞌakanani ñutankëx ꞌëbë ꞌiti ꞌikën. ꞌIanan ka Nukën ꞌIbun filisteo suntárukama anua ꞌikë aín ꞌitinua Israel suntárukama ñatanun ꞌamiti ꞌikën.

1 Samuel 31:5

Usai abi ꞌia Saúl bamaia isi ka, an aín manë pará tuinxunkë uni axribi aín manë xëtokë bitsi anun abi tarókati bamakëxa.

1 Samuel 31:7

Usai ꞌikë ka israel unibu axa aín bashi ꞌukëmanan tsókë ꞌimainun Jordán kakë baka au tsókë unikaman kuakëxa, kuanan ka Israel suntárukamax ka abáxa ꞌimainun ka Saúl nën bakë bëchikëkamaxribi ñuaxa kixun ñuikania kuakëxa, kuabiani ka atux anu ꞌikë ëma ëbiani anuax abákankëxa. Usai abákian atun ëma ñankáishi ꞌitánun ëbiankë ka filisteo suntárukaman anu bëbarukin atun ëmakama ꞌibúakëxa.