1 Samuel 31:1 - Kashibo-Kakataibo Biblia

¹ Filisteo suntárukaman ka Israel unikama ꞌakëxa, ꞌakëxun oí ka israel suntárukamax atubë ꞌakananibi abákankëxa, usakia filisteo unikaman ꞌakëx ka aín bashi Guilboa anu uni bamakë ꞌaisamaira ꞌiakëxa.

1 Samuel 31:1 ပူးပေါင်းရင်းမြစ်များ

2 Samuel 1:21

¡ꞌImainun ka anu mitsux ꞌikankë Guilboa kakë aín bashi ax ꞌuí ꞌimainun nibítan ꞌibúkin chabokëma ꞌiti ꞌikën, anuax ka ꞌaisamaira Israel unikama bamaxa! Anuxun ka axa rakuë́timaishi ꞌakánanti ꞌunánkë unikama ꞌaxun ꞌain manë parókë ami nishkë unikaman aín ꞌibu ꞌatankëxun amákanxa. Anuax ka Saúlnën manë parókë aín ꞌibu bamakë ꞌain, aín ichukë ax taën amákin chuokankëx aín ichukë ax nëtë́axa.

2 Samuel 1:6

Ñukákëxun ka a unin kakëxa: —Anu kuanti sinanmaxi ain bashi Guilboa kakë anu kuan kuankinbi kana Saúl aín manë xëtokëmi kërëxax nikë isan, iskëbëbi ka filisteo suntárukamax anúan ꞌakanankë caballonëan nirinkë ꞌimainun axa caballonuax ꞌakanankë suntárukaman ꞌurama obëtsinkin a nukui aia kana isan kixun këmëkin kakëxa.

1 Samuel 12:25

Usokin ꞌakinkëxunbi mitsun amiribishi ꞌaisama ñu ꞌakin ismikëxun ka mitsun ꞌapu këñunbi axa mitsumi nishkë unikaman këñukin ꞌanun ꞌamiti ꞌikën.

1 Samuel 28:1

Usa ꞌain ka bëtsi nëtëkaman filisteo unikamax Israel suntárukamabë ꞌakananux timë́akëxa, timë́kë ꞌain ka Aquís kakë uni an David kakëxa: —Minbi kamina ꞌunanin, mi ꞌimainun min suntárukamax ka ꞌakanani ꞌëbë kuanti ꞌikën.

1 Samuel 28:15

Usaia ꞌia ka Samuelnën bëru ñunshinan kakëxa: —¿Uisoti kaina unun kixun ꞌë ubíokin umian? Kakëxun ka Saúlnën kakëxa: —ꞌËx kana ꞌaisamaira sinani masá nuitutin, filisteo suntárukaman ka ꞌë ꞌanux timë́kamë ꞌëoxa Diosanbi ka ꞌë ꞌakinti ëanxa. Usa ꞌixun ka ñukákëxunbi ꞌë ꞌakinima ꞌimainun ka namámikinbi bërí ꞌë kaima. ꞌImainun ka an Dios kikë bana ñuikë unikamanbi ꞌë kanun kixun kaima, usa ꞌain kana mi kuëan añu karana ꞌati ꞌai kixun mi ñukánuxun.

1 Samuel 28:19

Usa ꞌain ka Nukën ꞌIbun Israel suntárukama këñun mi ribi filisteo suntárukaman abámikin ꞌanun ꞌamiti ꞌikën, ꞌimainun ka imë́ishi mi ꞌimainun min bakë bëchikëkama ꞌakanani ñutankëx ꞌëbë ꞌiti ꞌikën. ꞌIanan ka Nukën ꞌIbun filisteo suntárukama anua ꞌikë aín ꞌitinua Israel suntárukama ñatanun ꞌamiti ꞌikën.

1 Samuel 28:4

Usa ꞌain ka filisteo unikama timëkiani kuanx Sunem kakë anu atun ꞌiti ꞌax anu ꞌikankëxa, ꞌimainun ka Saúlnëxribi aín suntárukama timëbiani kuanx Guilboa kakë anu atúxribi timë́akëxa.