1 Samuel 3:9 - Kashibo-Kakataibo Biblia

⁹ ësokin kakëxa: —Anu mi ꞌuxkënu kamina kuanti ꞌain; anuxun kamina mia kuënkëxun, Nukën ꞌIbu kati ꞌain: Min uni ꞌikë kamina kuaisabi ꞌinun añu ꞌati kaina kuëëni ꞌë kati ꞌain. Ësakian kakëx ka Samuel anua uxkë anubi kuantëkëankëxa.

1 Samuel 3:9 ပူးပေါင်းရင်းမြစ်များ

Éxodo 20:19

Usai ꞌikëbë rakuë́kin ka Moisés kakankëxa: —Min ishi kamina nu kati ꞌain; ꞌaínbi ka Diosax nukamabë banatima ꞌikën, nux këñutima kupín.

Isaías 6:8

Ësai kia kuatankëxun kana Dios ësai kikë aín banaribi kuan: “¿Uinu ꞌikë uni karana xuti ꞌain? ¿Uix kara nukamax kikë bana uni ñuixunkë ꞌiti ꞌik?” Kia kana ꞌën kan: “Ënu kana ꞌëx ꞌain ꞌë kamina xuti ꞌain.”

Hechos 9:6

Usoquian cacëxun cuati ratúirai racuëti bërëruquin ca Saulonën cacëxa: —¿Añu ñu ꞌën ꞌati caina cuëënin? Cacëxun ca Jesusan cacëxa: —Niruquiani ca Damasco ëmanu cuantan. Anuxun ca unin añu caramina ꞌati ꞌain quixun mi cati ꞌicën.

Josué 5:14

—ꞌËx kana axa mimi nishkë uni a ꞌianan axa mibë ꞌikë uni ama ꞌain —kixun ka axa ami mërakë uni an kakëxa—. ꞌËx kana Nukën ꞌIbun suntárukama aín ꞌapu ꞌain. Ësakian uni an kakëxun ka Josuénën rantinpuruni aín bëmánanën me tikai tsóbukin ñukákëxa: —¿Añu ꞌaxúnumi ꞌë kanun kara Diosan mi xuax?

1 Samuel 3:10

Ësakian kakëx kuanx anu ꞌuxkënu kuankë ka Nukën ꞌIbun bëráma kuënkësabi okin aín anën kuëntëkëankëxa: —¡Samuel! ¡Samuel! Kakin kuënkëxun ka min unin ka kuatia kamina kiti ꞌai kixun Samuelnën kakëxa.

1 Samuel 3:8

ꞌAínbi ka Nukën ꞌIbun Samuel rabë́ ꞌimainun achúshi okin kuëntëkëankëxa, usakian kuënkëx nirukiani kuanxun ka Elí kakëxa: —Ënu kana ꞌain; ¿Uisoti kaina ꞌë kuëan? Usakin ꞌaia ka Elínën Nukën ꞌIbun ka bëná uni Samuel ënë kuëënia kixun sinánkin,