1 Samuel 3:6 - Kashibo-Kakataibo Biblia

⁶ ꞌUxkëbi ka Nukën ꞌIbun amiribishi kuëntëkëankëxa: —¡Samuel Samuel! Kakin kuëntëkënkëx ka anua ꞌuxkë anuax nirukiani kuanxun Elí kakëxa: —Ënu kana uan. ¿Uisoti kaina ꞌë kuëan? kixun kakëxa: —Kákëxun ka ꞌën kana mi kuënkëma ꞌain ꞌën bakë bëchikë kixun —Elínën kakëxa. Mix anu ꞌuxkë anubi kamina kuanti ꞌain kixun katëankëxa.

1 Samuel 3:6 ပူးပေါင်းရင်းမြစ်များ

Génesis 43:29

Usakian kakëxun a rapasunua israkinbi ka Josénën aín xukë́n Benjamín ꞌain papan akëñun aín titami bëchia a mërakëxa mërai ka kiakëxa: —¿Ënëx kara mitsun xukë́n ꞌanáka a ñuikinmi ꞌë bëráma kakë a ꞌik? ¡Nukën ꞌIbu Diosan ka mi ꞌakinti ꞌikën ꞌën bakën! Ësakin kaíshi,

2 Samuel 18:22

Usai kuankëbëtan ka Ahimaasnën amiribishi Joab katëkëankëxa: —ꞌËxribi kana etíope uni kuankëbë a nuibiani abákiani a kaxú kuainsatanin. Ësakin kakëxun ka Joabnën katëkëankëxa: —¿Añu ꞌai kaina mixribi kuainsatani ꞌën bakë bëchikë mix kaina bana ñuixuntankëxun kananxun bikësa okin ñu binuxmabi kuanti ꞌain?

Mateo 9:2

Bëbacëbëa ꞌitsa uni timë́cëbëtan ca raírinën uni achúshi ñucë nirucuaínquinbi tancëma bacë́tinu racánxun bëacëxa. Bëquin ca —Jesusan ca ënë uni pëxcuti ꞌicë —quixun aín nuitu mëu sináncëxa. Sinania atun sinan ꞌunánquin ca Jesusan ñucë uni cacëxa: —Chuámashi ca ꞌit. Min ꞌuchacama ca tërë́ncë ꞌicën.

1 Samuel 3:5

Usakian kuënkëx ka an kuëënkësa sinani anu abákiani kuanxun Elí kakëxa: —Ënu kana uan; ¿uisa oti kaina ꞌë kuëan? —Kakëxunbi ka ꞌën kana mi kuënkëma ꞌai —kixun Elínën kakëxa—. Mix anu ꞌuxkë anubi kamina kuanti ꞌai kixun ka Elínën kakëxa. Kakëx kuanx ka Samuel anua ꞌuxkë anubi kuanx ꞌuxtëkëankëxa.

1 Samuel 3:7

Usa ꞌain ka Samuelnën Nukën ꞌIbu ꞌunánkëma pain ꞌiakëxa, usa ꞌixun ka uisakin kara Nukën ꞌIbun uni ñu ꞌakinia kixun ꞌunánkëma pain ꞌiakëxa.

1 Samuel 4:16

Usa ꞌikë ka uni an nukúkin kakëxa: Bëríbi kana anuaxa ꞌakanankankë anuax uisaibi kara ꞌiakë kuatsini bamati ꞌaishi aín. ¿Uisai kaina ꞌikan ꞌën bakë bëchikën? kixun ka Elínën ñukákëxa.