1 Samuel 3:20 - Kashibo-Kakataibo Biblia

²⁰ ꞌImainun ka kamabi Israelkaman ꞌunánmainun Dan kakë ëma anuxun ꞌunánmainun, Beerseba anuxunribi Samuelnën ka këmëkinma asérabi Dios kikë bana uni ñuixunia kixun ꞌunánkankëxa.

1 Samuel 3:20 ပူးပေါင်းရင်းမြစ်များ

2 Samuel 17:11

Usa ꞌain kamina ësokin mi kamainun kuati kamabi Israel suntárukama axa Dan kakë ëmanu ꞌikë ꞌimainun Beerseba kakë ëmanuaribi timë́këx ka ꞌaisamaira ꞌaish parúmpapa kuëbiküa masi bëru iskësaira ꞌiti ꞌikën, usa ꞌikë kamina minbi a unikama ꞌakanankin buánti ꞌain.

Ezequiel 33:33

Usa ꞌaínbi ka atunu a ñukama ꞌiti ꞌikën, ꞌikëbëtan ka asérabi ka an Dios kikë bana ñuikë achúshi uni atunu ꞌiaxa kixun ꞌunánkanti ꞌikën.”

Amós 2:11

Usa ꞌain ka israel unikama mitsunu an Dios kikë bana ñuikë unikama ꞌianan Diosan aín uni ꞌiti kaiskë unikama ꞌaíma ꞌiakëxa kiax kisama ꞌikën. ꞌËx min ꞌIbu ꞌaish kana asérabi ësai kin.

Hechos 13:20

Usaquin ꞌatancëxun ca cuatrocientos cincuenta barin Nucën Papa Diosan bëtsix paían ꞌiá ꞌain, ꞌaían ꞌinun achúshi achúshi uni atun cushi ꞌimiacëxa, Samuelnëan anun axa quicë bana unicama ñuixunti nëtëa ꞌitámainun.

Deuteronomio 18:21

Mitsun kamina ësokin sinánti ꞌain: ¿Uisaxun karanuna ax ka Nukën ꞌIbu kikë bana ꞌikë kixun a ꞌunánti ꞌain? ësokin sinánkin kamina mitsun ꞌunánti ꞌain:

1 Timoteo 1:12

Nucën ꞌIbu Jesucristonën ca ꞌën an cacësabi oquin ꞌati ꞌunánxun, aín bana ñuixunun caxun, usoquin ꞌanun ꞌë cushioxa. Usa ꞌain cana a ñucama sinánquin —asábi ca —quixun a cain.

1 Samuel 12:11

Usakin ñukákëxun ka Nukën ꞌIbun Jerubaal, Barac, Jefté ꞌimainun ka Samuel mitsu ꞌakinun kixun xuakëxa, xukëxun kananuna axa mitsumi nishkë unikaman ꞌibuakë ꞌikëbi mitsu ꞌakiankën upitaxmi bukukanun.