1 Samuel 3:2 - Kashibo-Kakataibo Biblia

² ꞌAínbi ka achúshi imë́ ka Elí bëxuñu ꞌiakëxa, usa ꞌixun ka upíokin isima anua ꞌikë aín xubunubi ꞌiakëxa.

1 Samuel 3:2 ပူးပေါင်းရင်းမြစ်များ

Génesis 27:1

Usa ꞌain ka Isaac ax kaniakëti ꞌupiokin ñu istisama ꞌain bëru ꞌiakëxa. Achúshi nëtën aín rëkuë́n bëchikë Esaú kuënxun kakëxa: —¡ꞌËn bakë bëchikë! —Kia ka kamina ꞌë kati ꞌain papan —kixun Esaúnën kakëxa.

Génesis 48:10

Usa ꞌain ka Jacobnën kaniakëkin upíokin isama ꞌikën. Usakian upíokin iskëbëtanma ka Josénën aín bëchikë rabë́ a ꞌurama okëxa, ꞌurama oia ka Jacobnën ꞌikúkin bikin bëtsuku kakin aín kisinu tsónpakëxa.

Génesis 48:19

ꞌAínbi ka usakin ꞌaisama tankin aín papan kakëxa: —¡Kana ꞌunanin ꞌën bakën, ꞌën ꞌunánxun kana ꞌain! Axribi ka achúshi ëma chaiira ꞌianan raírikama ꞌikësamaira ꞌinuxun ꞌaia. ꞌAínbi ka aín xukë́n ꞌanáka ënëxira ꞌitsaira ꞌitanun ꞌuakamë ꞌëoi ëma itsiribi ëma itsiribi ꞌitánun uínbi kanantisamaira kushiira ꞌinuxun ꞌaia.

Salmos 90:10

Anun tsótimi nu ꞌinánkë ax ka setenta baritiashi ꞌikën; usa ꞌaínbi ka uix kara kushipain ꞌikë ax kuni ochenta; baritia ꞌimi tsóti ꞌikën, ꞌaínbi kananuna ꞌitsabaritia tëmërakin ñu mëi atsanin. ¡Usai ka nux ꞌikësaribiti baritia kamax, bënëtishi inutia!

Eclesiastés 12:3

Usa ꞌain ka mix kaniakëkë ꞌikëbë min pëñankama ami katamëti bëruankakë ax bërëkimainun anun mi nikë min xokama axribi bamai kushima ꞌiti ꞌikën; usai ꞌimainun ka min xëtakamax achúshi achúshi ëchikimainun kamina min bërukamaribi kurukëbëtan bëxuñu ꞌixun anun iskasmati ꞌain.

1 Samuel 2:22

ꞌImainun ka Elí ax kaniakëkë uni ꞌixunbi, aín bakë bëchikëkaman Israelkamabëtan ꞌatima ñu ꞌaia ꞌunánkëxa, ꞌunánkin ka anuax Diosbë mërananti ꞌakë xubu chukúma aín xëkuënua an bërúankë xanukamabë ꞌuxkë aribi ꞌunánkëxa.

1 Samuel 4:15

anu ka Elí noventa ꞌimainun ocho baritiañu ꞌiakëxa, usa ꞌaish ka kaniakëti bëxuñu ꞌiakëxa.