1 Samuel 3:19 - Kashibo-Kakataibo Biblia

¹⁹ Usa ꞌikë ka xura ꞌaish bërunania ënkinma ꞌakinkin Samuel ax kikësabiokin Nukën ꞌIbun ꞌakiankëxa.

1 Samuel 3:19 ပူးပေါင်းရင်းမြစ်များ

Génesis 21:22

Usai ꞌikë basirakëma ꞌaínshi ka ꞌapu Abimélec Abrahambë banai kuankëxa. Kuankëbë ka aín suntárunën kushi Ficol, axribi abë kuankëxa. Kuantankëxun ka Abimélecnën Abraham ësokin kakëxa: —Nun kananuna isan Nukën ꞌIbu Diosan ka kamabi añu ñukama karamina ꞌai akamabi mi ꞌakinia.

Génesis 28:15

ꞌËx kana mibë ꞌain; usa ꞌixun kana uinu kaina kuani anuabi ꞌën mi bërúanti ꞌain, usa ꞌixun kana amiribishi ënë menubi mi bëtëkënti ꞌain. Mi kana usai ꞌia ꞌën kakësabiokin ꞌaxuntankëxuma ëntima ꞌain.

Génesis 39:2

Usai an ñu mëëmikë uni egipcio uni, aín xubunu ꞌia ka Nukën ꞌIbun José ꞌitsaira bërúankin ꞌakiankëxa.

Génesis 39:3

ꞌAkinkëxuan upíokin Josénën ñu mëía ka a ñu mëxunkë unin, aín ꞌIbun ka Josébë ꞌixun ꞌakinia kixun. Usa ꞌain ka Josénën mëëkë ñukamax upí ꞌiakëxa.

1 Reyes 8:56

¡Nukën ꞌIbu Dios ax ka upíokin rabikë ꞌiti ꞌikën, an ka aín unibu Israelkama añu ꞌakinux kara kiakëxa akamabi asérabi upiti bukunun ꞌakiankëxa! Usa ꞌixun ka an ꞌakatsi kia ñukama achirabi ꞌaíma ꞌikima kamabi ñu aín uni Moisés kásabiokin ꞌakëxa.

2 Reyes 22:16

ꞌëx Dios ꞌaish kana ësai kin: ꞌËn kana Jerusalénnu tsókë unikama ꞌanan ain ëmaribi ꞌatima oti ꞌain, Moisésnën kuënëo banakama kirikanua mërakë anuaxa Judánu ꞌikë ꞌapu banai kia kuakë banai kia kuakë usabi okin kana ꞌati ꞌain.

Isaías 43:2

Mitsux ꞌumpaxan ꞌinúkëbëbi kana ꞌëxribi anu ꞌiti ꞌain, usa ꞌain kamina bakaribi sikatibi bakami kitima ꞌain, ꞌianan ka tsi rëkirukënën anun inutiabi mi chuxtima ꞌikën, ꞌianan ka ꞌain rëkirukë anbi mi xanotima ꞌikën.

Isaías 44:26

ꞌAínbi kana ꞌën unikamaxa usai ka ñu ꞌiti ꞌikë kikësaibia ñu ꞌinun ꞌimin, ꞌimianan kana ꞌën xukë unikaman sinánkësa oia ñu ꞌinun ꞌimin. ꞌËx kana Jerusalén ëmanu ka amiribishi uni tsótëkënti ꞌikë kin, ꞌianan ka Judá ëmanu ꞌikë ëmakama ka amiribishi birutëkënti ꞌikë kiax kin. ꞌËn kana an ñu mëëkë unikaman amiribishi axa ami nishkë unikaman aín kënëkama rurupa a birutëkënun ꞌaminuxun ꞌain.

Isaías 55:11

usaribiti ka ꞌëx kikë bana ax ꞌia, usai ꞌi ka ꞌën kuëënkësa okin ñu upí ꞌatankëxma ꞌënu kuantëkënima, ꞌaínbi ka ꞌëx kuëënkësabi okin pain ꞌaia, ꞌakin ka kuankima a ꞌanun ꞌën xukë a pain ꞌaia.

Mateo 1:23

Xanu achúshi unibë ꞌicëma pain ꞌaish ca tuñu ꞌitancëx bacë́nti ꞌicën. Aín tuá ax ca Emanuel caquin anëcë ꞌiti ꞌicën. Emanuel quicë ax ca “Nucën Papa Dios ca nubë ꞌicë” qui quicë ꞌicen.

Lucas 1:28

Usa ꞌain ca xucëx cuanx anua ꞌicënu atsínquin María cacëxa: —Chuámashi ca ꞌit. Mi ca Nucën ꞌIbu Diosan upí oquin sinánxunia, xanu raíri ꞌacësamaira oquin. Ax ca mibë ꞌicën.

Lucas 1:80

Usa ꞌaish ca cani a tuá aín sinan upí ꞌiacëxa. Usa ꞌaish ca anúan Israel unicama bana ñuixunti nëtëa sënë́ntamainun anu uni ꞌicëma menu ꞌiacëxa.

Lucas 2:40

Anu cuanx ca Jesús Nazaret ëmanuax caniacëxa. Cani cushi ꞌixun ca ñu upí oquin ꞌunáncëxa. Usai ꞌia cania ca aín Papa Diosan upí oquin ꞌaquiancëxa.

Lucas 2:52

Sinánmainun ca Jesús caniacëxa. Cani aín nami cushi ꞌianan ca ñu upí oquin ꞌunáncëxa. Usa ꞌicë ca —ax ca upí tuá ꞌicë —quixun camabi unin cuëënquin nuibacëxa. Nuibamainun ca Nucën Papa Diosanribi a isi cuëënquin nuibacëxa.

2 Corintios 13:11

ꞌËn xucë́antu, chuámashi camina ꞌicanti ꞌain. Añu ñucama cara ꞌaisama ꞌicë camina mëníoquin sinántëcëntima ꞌain, ꞌën mitsu cacë banacama cuati camina bëtsin sináncësabi oquin sinani nishananíma nuibananishi ꞌicanti ꞌain. Usai ꞌia ca Nucën Papa Dios, an aín unicama nuibaquin bënëtima chuámarua ꞌinun ꞌimicë, ax mitsubë ꞌiti ꞌicën.

2 Corintios 13:14

Mitsux ꞌuchacëbi Nucën ꞌIbu Jesucristonën nuibaquin ië́micë ꞌicëa Nucën Papa Diosanribi nuibamainuan aín Bëru Ñunshin Upí axribi mitsubë ꞌicëbëmi chuámarua bucucanti cana cuëënin. Ashi, Pablo.

Deuteronomio 18:22

An bana ñuikë uni axa Nukën ꞌIbun anë ñui kikë ꞌaínbia ax kikësabi oi ꞌitia kikë usai ñu a ꞌikëbëtama kamina mitsun ꞌunánti ꞌain, ax ka Nukën ꞌIbu kikëma bana ꞌiaxa kixun, usa ꞌain kamina an bana ñuixunkë uni ax ka axbi rabiakati kiaxa kixun ꞌunáni, mitsux ami rakuë́tima ꞌain, kixun ka Moisésnën kakëxa.

2 Timoteo 4:22

Mibë ꞌixuan Nucën ꞌIbu Jesucristonën mi cushiomainuan Nucën Papa Diosan mibë ꞌicëcamacëñun mi nuibaquin ꞌaquincëx camina bërúanx ꞌiti ꞌain. Ashi, Pablo.

Jueces 13:24

Usakian kakëx tutankëx ka aín nëtë sënë́nkëbë achúshi bëbu tuá bakë́ankëxa, bakënxun ka Sansón kakin anëakëxa. Anëkëx kania ka Nukën ꞌIbun a tuá upíokin sinánxukin nuibakin ꞌakiankëxa.

1 Samuel 10:7

Uínsaran kara Diosan ꞌimikëx minu usai ñu ꞌia anun kamina Diosanbi mi ꞌakinkëxun sinánti ꞌain.

1 Samuel 12:2

Ënu ka ꞌapu an mitsu bërí ꞌakinti anëkë a ꞌikën. Bëná ꞌaíshbi mitsun ꞌapu ꞌia ꞌixun kana bërí nëtënbi mitsu ꞌakinin. Usa ꞌain kana bërí kaniakëkë ꞌaish ꞌitsaira ꞌën bu uxua ꞌirua, ꞌimainun kamina ꞌën bakë bëchikëkamaribi mitsubë tsotia uisa uni kara kixun ꞌunánkan,

1 Samuel 16:18

Kakëxun ka an ñu mëëxunkë uni achúshitan kakëxa: —ꞌËn kana Jesé Belénnu tsókë aín bëchikë achúshinën upíokin arpa ꞌaia isan; ꞌimainun ka ax ꞌakánanti rakuëma ꞌianan, asérabi ax kikësabiokin ñu ꞌaia, usa ꞌikë ka Nukën ꞌIbun ꞌakinia.

1 Samuel 18:12

ꞌAmian ka Saúl Davidmi Diosan ka ꞌakinia kixun ꞌunani rakuë́akëxa, usa ꞌain ka Nukën ꞌIbun David ꞌakiankëxa, ꞌaínbi ka Saúl ꞌakinti Diosan ënkë ꞌiakëxa.

1 Samuel 18:14

Usa ꞌain ka Nukën ꞌIbun ꞌakinkëbë kamabi Davidtan ꞌakë ñukama asábi ꞌiakëxa.

1 Samuel 18:5

Usa ꞌain ka Saúlnën ꞌakanantanun xukëtibi Davidnën filisteo suntárukama ainra kanankin kupitanuma ꞌakëxa, ꞌaia ka Saúlnën axa ꞌakanani kuanti suntárukama uanti aín kushi ꞌinun anëakëxa. Usokin anëkë ꞌain ka suntárukama ꞌimainun ain kushikamaxribi kuëëankëxa.

1 Samuel 2:21

kuankëa Nukën ꞌIbun upíokin sinánxunkëx, ka Ana tutankëx bakë́ankëxa. Usai ꞌikinka, Ana rabë́ ꞌimainun achúshi bëbu tuá ꞌanan xanu rabë́ ribi tuakëxa, usokin ꞌamainun ka Samuelnëx anuxunbi Nukën ꞌIbun ñu mëëti ꞌai kaniakëxa.

1 Samuel 2:26

Usa ꞌain ka Samuel bërunani kanikin upíokin ñu ꞌaia Nukën ꞌIbun ismainun unikamanribi upí tuá ꞌixuan upíokin ñu ꞌaia ꞌunánkëxa.

1 Samuel 9:6

Kakëxun ka an ñu mëëxunkë uni abëa kuankë an kakëxa: —Ënë ëmanu ka uni achúshi an Dios kikë bana uni ñuixunkë kamabi unían aín bana tankë ꞌikën, usa ꞌain ka ax kikësabi oi ñu ꞌia. Anu kananuna kuanti ꞌain, an sapi ka anun a bari kuanti bai nu ñuixunti ꞌikën.