1 Samuel 28:8 - Kashibo-Kakataibo Biblia

⁸ Kakëxun ka Saúlnën an pañukë chupa a pëanan bëtsi chupa pañuakëxa ax ka Saúl ꞌikë kixun ꞌunántima rabanan. ꞌIkiani ka aín suntárunën kushi rabë́ buani imë́ xanu a iskatsi kiax kuankëxa. Kuankin ka aín xubunu bëbakin kakëxa: —ꞌËn kana mi ësokin kain añu karana ꞌati ꞌain ꞌë tanxunkin kamina, uni ñukënën ñunshin añu karana ꞌati ꞌai kixuan ꞌë kanun kuëënti ꞌain.

1 Samuel 28:8 ပူးပေါင်းရင်းမြစ်များ

1 Reyes 22:30

ꞌAínbi ka ꞌakanani atsínuxun Israel unikaman ꞌapun Josafat kakëxa: —ꞌËx kana suntáru itsisa ꞌitánun bëtsi chupa pañubiani kuanti ꞌain, usa ꞌain kamina min ꞌën chupa pañuti ꞌain kixun ka kakëxa. Katankëxun bëtsi chupa pañubiani ka Israelnu ꞌikë ꞌapu Ahab ꞌakanani atsínkiani kuankëxa.

1 Reyes 22:34

ꞌAínbi ka sirianun ꞌikë suntárunën aín kanti pia manámiokin nóokin nikinbi, anunbia bamatanun aín xabankë xanpëskabianxun Israelnu ꞌikë ꞌapu ꞌakëxa. ꞌAkëxun ka an caballonën nirinkë carreta an buánkë suntáru kakëxa: —Nirakëti kamina kuainakëti ꞌain, ꞌë kamina ꞌakanankënua chikínti ꞌain ꞌë ka tëtsórutisamaira okin ꞌakania.

Isaías 8:19

Usa ꞌain ka unikaman mitsu káshibuinxun ësakin kati ꞌikën: “Mitsux kamina uni ñukëkama aín ñunshinbë banati ꞌain, ꞌianan ka axa usai ka ñu ꞌiti ꞌikë kixun ꞌunánkë akamabëribi munura banati ꞌain. ¿Achúshi ëmanu ꞌikë unikaman kara atun dioskamabë, bananan uni bamakëkama a kara uisakin

Jeremías 23:24

¿Uix kara ꞌën istimaisakiax unëti ꞌik? ꞌËx kana naíkamë ꞌëonu ꞌianan kamabi menuribi ꞌain. ꞌËx min ꞌIbu ꞌaish kana ësai kin kiax ka Dios kiakëxa.

Juan 3:19

Axa ami sináncëma unicamax ca aín ꞌucha cupí Nucën Papa Diosan castícantishi ꞌicën, atúan an aín sinan upíira ꞌixun uni upí ꞌimiti ax uánbi ami catamëisama tanquin ꞌatima ñu ꞌatishi cuëëncë cupí.