1 Samuel 28:6 - Kashibo-Kakataibo Biblia

⁶ Usai ꞌikin ka uisai kara Nukën ꞌIbubë banati ꞌikë kixun tankëxa, ꞌaínbi ka Nukën ꞌIbun an ñukákëxunbi kuatima ꞌianan namámikinbi ismiama ꞌikën, ꞌianan ka Urim kakë anbi kaima ꞌimainun an Dios kikë bana uni ñuixunkë akamanbi ñuixuama ꞌikën, usai kamina ꞌiti ꞌai kixun kanun ꞌamiama ꞌikën.

1 Samuel 28:6 ပူးပေါင်းရင်းမြစ်များ

2 Samuel 22:42

ꞌAkëxun ka uin kara ꞌakinti ꞌikë kixun atun bariakëxa; barikëxunbi ka uínbi ꞌakianma ꞌikën, usokëxun ka an ꞌakinun kixun Dios ñukákankëxa ñukákëxunbi ka ꞌakianma ꞌikën.

Proverbios 27:1

Imë́ishi kana usakin ñu ꞌati ꞌai kiax kamina kitima ꞌain. Kamina ꞌunanima imë́ishi karamina uisai ꞌiti ꞌain.

Jeremías 23:28

¡An Dios kikë bana ñuikë unin namáxun ka aín namákë ashi bëtsi ñu ñuikinma ñuiti ꞌikën, ꞌaínbi ka uin kara ꞌën bana ñuia an ꞌën banaishi ñui kiti ꞌikën! Usai ka Nukën ꞌIbu kiakëxa.

Joel 2:28

Usakin ënë ñukama pain ꞌatankëxun kana ꞌën Bëru Ñunshin kamabi uninu xuti ꞌain: Usa ꞌain ka mitsun bakë bëchikë bëbukama ꞌimainun ini bëchikë xanukama atun ꞌën bana ñuiti ꞌikën, ꞌamainun ka uni xënikaman namákin isti ꞌikën, ꞌimainun ka uni bënábu atúnribi namákësa okin isti ꞌikën.

Miqueas 3:7

An uni paránkinshi bana ñuixunkëkama ꞌimainun an ñu tankë unikama atux ka ami kuaikian unikaman ñuikëx ꞌitsaira katë́kë bërúkanti ꞌikën. Kamabi atux ka uisa banarabi banaima nëtë́këshi Diosan atun kakëxunbi kuaisama tankëbë ꞌiti ꞌikën.

Números 12:6

kuania ka Nukën ꞌIbun ësokin kakëxa: “Bërí kana mikama ësokin kain: An ꞌëx kikë bana uni ñuixunkë mitsunu ꞌikë kana ꞌën namámikësokin kanan kana namámikinribi kain;

Números 27:21

ꞌAínbi ka Josuénëx sacerdote Eleazar anu pain kuanti ꞌikën, Josué axa anu kuankë ꞌain ka Eleazarnëx an kakësa ꞌitánun Urim kakë ñu anun aín anë ñui ꞌëbë banati ꞌikën. Usakin ꞌakëxuan Josuénën kakëxun ka Israel unikama añu ꞌanun kara kaia akama ꞌati ꞌikën.

Mateo 1:20

Usoquin sinántancëx ꞌuxun ca Josénën namáquin Nucën ꞌIbu Diosan xucë aín ángel achúshi isacëxa. Iscëxun ca cacëxa: —José, Davitan rëbúnqui, cana mi cain. Maríanën tuá ax ca Nucën Papa Diosan Bëru Ñunshin Upitan ꞌimicëxëshia ꞌicë ꞌicën. Usa ꞌain camina timaquinma min xanu ꞌinun María biti ꞌain.

Juan 9:31

Cananuna ꞌunanin, an ñu ꞌatima ꞌacë unin bana ca Nucën Papa Diosan cuatima. An a ami sinánquin a rabianan axa cuëëncësa oquinshi ꞌacë uni, aín bana cuni ca Nucën Papa Diosan cuatia.

Deuteronomio 33:8

Usa ꞌain ka Moisés Leví ñui ësai kiakëxa: Minan ka Tumim ꞌimainun Urim ax ꞌikën ꞌën ꞌIbu; min kamina levitakamanribi min kikësa okin ꞌaia ꞌinan, atu kamina Masá kakë me anuxun tankën, tankin kamina anuxunmi min unikama ꞌumpax ꞌinan Meribá kakë anuxun ñukákën,

Santiago 4:3

Ñucáquinbi camina ami ñucácë ñu a bitsiman, ax cuëëncësabi oquinmami mitsux cuëëncësa oquinshi Nucën Papa Dios ñucácë cupí.

1 Samuel 14:37

Usakin kai sënë́ntankëx ka Saúl Diosbë banakëxa: —¿Filisteo suntárukama karana ꞌakanankinti ꞌain? ¿israel suntárukaman ꞌaia kaina na ꞌanun ꞌamiti ꞌain? ꞌAínbi ka Nukën ꞌIbun a nëtën ësakian ñukákëxunbi kuakëmasa okin káma ꞌikën.

1 Samuel 28:15

Usaia ꞌia ka Samuelnën bëru ñunshinan kakëxa: —¿Uisoti kaina unun kixun ꞌë ubíokin umian? Kakëxun ka Saúlnën kakëxa: —ꞌËx kana ꞌaisamaira sinani masá nuitutin, filisteo suntárukaman ka ꞌë ꞌanux timë́kamë ꞌëoxa Diosanbi ka ꞌë ꞌakinti ëanxa. Usa ꞌixun ka ñukákëxunbi ꞌë ꞌakinima ꞌimainun ka namámikinbi bërí ꞌë kaima. ꞌImainun ka an Dios kikë bana ñuikë unikamanbi ꞌë kanun kixun kaima, usa ꞌain kana mi kuëan añu karana ꞌati ꞌai kixun mi ñukánuxun.

1 Samuel 28:5

Anuxun ka Saúlnën filisteo unikamaxribi anu atux ꞌiti ꞌax bukukë isakëxa, isí ka ꞌitsaira rakuë́ti atun ka kupitanuma nu ꞌati ꞌikë kiax bërëi ꞌiakëxa.