1 Samuel 28:3 - Kashibo-Kakataibo Biblia

³ Usa ꞌain ka Samuel ñukë ꞌain kamabi Israel menua ꞌikë unikama anun rabanan masá nuituti ꞌikankëxa, usai anun rabanan ꞌitankëxun ka anuaxa bakëan aín me Ramá kakë anubi maínkankëxa. ꞌImainun ka Saúlnën an ñu tankë unikama ꞌimainun an ñukë uni ain ñunshin abë banati kuëënkë a kamabi a menua chikínkë ꞌiakëxa.

1 Samuel 28:3 ပူးပေါင်းရင်းမြစ်များ

Levítico 19:31

Uni an ñunshinan ꞌamikëxun ñu ꞌakë ꞌimainun an ñu tankë uni kamanu kamina kuankantima ꞌain. Usai abë banakin kamina mitsúnbi ꞌaisama ñu ꞌati ꞌain. ꞌËx kana mitsun ꞌIbu Dios a ꞌain.

1 Samuel 15:23

Usa ꞌaish ka uin kara ax kikësokin ꞌaima ax ami ꞌuchai an ñu tankë unikamasa ꞌiti ꞌikën; usa ꞌaish ka ñu tankin ꞌaxun rabikë unikamasa ꞌixun Diosan kakësokin ꞌaima ami ꞌuchaia. Usa ꞌaínbi kamina min an kikësokin ꞌakëma ꞌain, an kakësokin kamina ꞌaisama tanin, usa ꞌikë ka ꞌapu ꞌikëbi mi ꞌakintima ꞌikën.

1 Samuel 25:1

Usa ꞌain ka Samuel ñukë ꞌain kamabi israel unikama timëkamë ꞌëox masá nuituti inkankëxa. Usai pain ꞌitankëxun ka anua aín xubu ꞌikë Ramá kakë me anubi maínkankëxa. Usokin ꞌan ka anu uni ꞌikëma me Parán kakë anu David kuankëxa.

1 Samuel 28:9

Kixun kakëxun ka xanun kakëxa: —Min kamina upíokin ꞌunan, Saúlnën ka ënë menua an ñu tankë unikama ꞌimainun axa uni ñukë aín ñunshin kuëanx abë banakë unikama chikíanxa. ¿Uisati kaina a bana kuaxuan ꞌapun aín suntárukama ꞌaminunbi usakin ꞌë kain?

1 Samuel 7:17

Usai akama oi nikin atu istánkëx ka anua aín xubu ꞌikë Ramá kakë anubi utëkëankëxa, anuxun ka Israel kama atun ꞌapu ꞌixun ꞌakiankëxa. ꞌAnan ka anuxun ñuina xaroti achúshi maxax bukunrukin Nukën ꞌIbu ꞌaxuankëxa.