1 Samuel 28:20 - Kashibo-Kakataibo Biblia

²⁰ Kakëxun kuatishi ka Saúl menu nipakëakëxa, ax ka uni chaxkë́ira ꞌiakëxa. Samuelnën bana kuati ratuti ka ain ñunshin nëtë́tishi pakëakëxa. Usai ꞌixun ka a nëtën ñu pima ꞌianan imë́ribi añu ñubi pëkaramikin piama ꞌikën.

1 Samuel 28:20 ပူးပေါင်းရင်းမြစ်များ

1 Samuel 28:19

Usa ꞌain ka Nukën ꞌIbun Israel suntárukama këñun mi ribi filisteo suntárukaman abámikin ꞌanun ꞌamiti ꞌikën, ꞌimainun ka imë́ishi mi ꞌimainun min bakë bëchikëkama ꞌakanani ñutankëx ꞌëbë ꞌiti ꞌikën. ꞌIanan ka Nukën ꞌIbun filisteo suntárukama anua ꞌikë aín ꞌitinua Israel suntárukama ñatanun ꞌamiti ꞌikën.

1 Samuel 28:21

Usai ꞌaisamairai ratutia iskin ka xanun Saúl a ꞌuramokin kakëxa: —An mi ñu ꞌaxunkë xanu ënën ka min kakësabiokin ꞌaxuanxa. Ësokin ꞌai kana bamati ꞌai kixun ꞌunánkinbi ka ënë xanun min bana tankin usakin ꞌaxa.

1 Samuel 28:5

Anuxun ka Saúlnën filisteo unikamaxribi anu atux ꞌiti ꞌax bukukë isakëxa, isí ka ꞌitsaira rakuë́ti atun ka kupitanuma nu ꞌati ꞌikë kiax bërëi ꞌiakëxa.