1 Samuel 28:19 - Kashibo-Kakataibo Biblia

¹⁹ Usa ꞌain ka Nukën ꞌIbun Israel suntárukama këñun mi ribi filisteo suntárukaman abámikin ꞌanun ꞌamiti ꞌikën, ꞌimainun ka imë́ishi mi ꞌimainun min bakë bëchikëkama ꞌakanani ñutankëx ꞌëbë ꞌiti ꞌikën. ꞌIanan ka Nukën ꞌIbun filisteo suntárukama anua ꞌikë aín ꞌitinua Israel suntárukama ñatanun ꞌamiti ꞌikën.

1 Samuel 28:19 ပူးပေါင်းရင်းမြစ်များ

1 Reyes 22:20

Usa ꞌain ka Nukën ꞌIbun ñukákin, uin kara Ahab paránbiankin aín suntárukamabëa Ramot Galaad me an bërúankë suntárukaman ꞌakëx anuax bamanun buánti ꞌikë kixun ñukákëxa. Ñukákëx ka raírinëx bëtsi kimainun raírinëxribi bëtsioiribi kiakëxa.

1 Reyes 22:28

Ësakin kaiabi ka Micaíasnën katëkëankëxa: “Mixmi uisaibi ꞌima asábi utëkënkë, ax ka Diosan kamikëxun ꞌën mi kakëma ꞌiti ꞌikën.”

Job 3:17

Ñukë mainkëxun ka an ñu ꞌatima ꞌakë unikaman ñu ꞌatima ꞌatëkëanan bëtsi unikamaribi ꞌatima otëkënima, ꞌimainun ka axa tëmërai tsóti atsánkë unikamax ñutankëx atsanx ꞌianan tëmërai ꞌitëkënima asábi tani tsotia;

Éxodo 9:18

¡Asabi ka usa ꞌain kana! imë́ishi ꞌën ësañuishi achúshi matsin tita chaiira bëruñu Egipto me ënuxun unin uínsaranbi isun ñuiama pakënun ꞌimiti ꞌain.

Mateo 26:24

Asérabi Nucën Papa Diosan bana cuënëosabi oi cana uni ꞌinux anuax uá, ꞌëx bamati ꞌain. Usa ꞌaínbi ca an ꞌatimonuxun binun uni ꞌë ꞌináncë uni, ax ꞌuchañuira ꞌaish uisoquin cara ꞌati ꞌicë usoquian Nucën Papa Diosan ꞌacë ꞌiti ꞌicën. Usai ꞌitima cupí ax unitima ca ꞌiacëxa.

Hechos 5:5

Ësai quia cuatishi ca Ananías nipacëti bamacëxa. An usai bamacë ñuicania cuacë unicamax ca racuë́iracëxa.

1 Samuel 12:25

Usokin ꞌakinkëxunbi mitsun amiribishi ꞌaisama ñu ꞌakin ismikëxun ka mitsun ꞌapu këñunbi axa mitsumi nishkë unikaman këñukin ꞌanun ꞌamiti ꞌikën.

1 Samuel 28:20

Kakëxun kuatishi ka Saúl menu nipakëakëxa, ax ka uni chaxkë́ira ꞌiakëxa. Samuelnën bana kuati ratuti ka ain ñunshin nëtë́tishi pakëakëxa. Usai ꞌixun ka a nëtën ñu pima ꞌianan imë́ribi añu ñubi pëkaramikin piama ꞌikën.