1 Samuel 24:21 - Kashibo-Kakataibo Biblia

²¹ Usa ꞌain kamina uisaxunbi sinántëkëntima okin Nukën ꞌIbu anënbi ꞌë kati ꞌain, ꞌën rëbúnkikama këñukin ꞌatankëxun kaina ꞌën aintsin anëkamaribi uínbia atun anë sinántimokin tërënti ꞌai kixun.

1 Samuel 24:21 ပူးပေါင်းရင်းမြစ်များ

Génesis 21:23

Usa ꞌain kamina, sinanatëkëntima okin Nukën ꞌIbu Diosan ismainun, ënë menuax, nukamabë ꞌatimonantima ꞌain, ꞌimainun kamina ꞌën bëchikëkama ꞌimainun ꞌën rëbúnkikamaribi ꞌain. Akima kamina sinanatëkënkinma ꞌën mi ꞌakësaribi okin ꞌëribi ꞌati ꞌain, ꞌanan kamina usaribiokin kamabi ënu ꞌikë unikama ꞌati ꞌain, anumi bërí tsókë me ënuxun.

Génesis 31:48

Usokin ꞌatankëx ka Labán kiakëxa: —Bërí ka ësokin maxáxkama bukunrukë ënën nu rabëtan usai kananuna ꞌiti ꞌain kixun sinax mënionankë a ꞌikën. Usa ꞌain ka anuax kanantankëxun Galaad kakin a me anëakëxa,

Génesis 31:53

Usokin kakëx ka min xuta Abraham ꞌimainun ꞌën xutókë Nahor aín Dios an nu uisakara nu rabë́ oti ꞌikën kiti ꞌikën. Usokin kakëxun ka Jacobnën Nukën ꞌIbu Dios aín papa Isaacnën rabia an ismainun sinanatëkëntima oi kikin rabiakëxa.

Hebreos 6:16

Ënëx ca ësa ꞌicën. Unix ca uni itsían aín bana isa asérabi ꞌicë quixun ꞌunánun quiax, aín ꞌapu axa asamaira ꞌain, a ñui ësai quia: Nun ꞌapúnbi ca ꞌunania, ꞌën mi cacë bana ënëx ca asérabi ꞌicën. Usai quicëbëtan ca an aín bana ca asérabi ꞌicë quixun ꞌunánquin abë cuëbicanántima ꞌicën.