1 Samuel 24:16 - Kashibo-Kakataibo Biblia

¹⁶ Ësai kitankëx David sënë́nkëbë ka, Saúl munuma banai kiakëxa: —¡An ꞌë usakin kakë mix kamina ꞌën piaka David ꞌain! Ësokin kaíshi masánuituti inkin,

1 Samuel 24:16 ပူးပေါင်းရင်းမြစ်များ

Génesis 16:5

Usai ami nishia ꞌunánkin ka Sarainën aín bënë Abram kakëxa: —¡Min ꞌucha kupí ka Agarnën ꞌë ꞌatima okin isia! ꞌËnbi kana min xanua ꞌinun mi ꞌinan, usa ꞌaínbi ka bërí achúshi tuáñu ꞌikuani ꞌësamaira ꞌisatania. Usa ꞌain ka Nukën ꞌIbux kiti ꞌikën uix kara ꞌuchaxa kixun nu kati ꞌikën.

Génesis 2:2

Mapai achúshi ꞌimainun achúshi nëtën ka Nukën ꞌIbu Diosan an ꞌakë ñukama sënëonkëxa, usokin ꞌatankëx ka tantiakëxa.

Génesis 33:4

Usaia ꞌikëbë abákiani kuankin ka Esaúnën ꞌikúkin tëpatsakin aín xukë́n biakëxa, bikin ka bëtsuku kakëxa. Kai a rabëtaxbi iankëxa.

Proverbios 15:1

Nishkë ꞌikëbia bëtsin sinanamikin kakë, an ka uni nishkëbi upí ꞌinun sinanamia; ꞌaínbi ka ꞌatimati banakin unin bëtsi atiaira nishnun ꞌimia.

Hechos 6:10

Usai abë cërúanancëxunbia Estebanën atun ꞌacësama oquin Nucën Papa Diosan Bëru Ñumshin Upitan sinánmicëxun bana ñuia cuati ca nëtë́cancëxa.