1 Samuel 21:5 - Kashibo-Kakataibo Biblia

⁵ Kakëxun ka Davidnën këmëkinma asérabi kakëxa: —ꞌËn suntárukamabë ꞌakanani nitsi kananuna xanun nami ꞌai a rapasu ꞌima a ꞌura ꞌian. ꞌImainun kananuna nitsi chikiti atun kakësabi oí nitsi tëmërakin suntárukamabë ꞌaish añu ñubi ꞌakëma ꞌain, usa ꞌain kananuna ñu ꞌatima ꞌakëma ꞌaish bërí upí ꞌain.

1 Samuel 21:5 ပူးပေါင်းရင်းမြစ်များ

Éxodo 19:14

Ësakin Diosan kakëx aín bashinuax taramëbutankëxun ka Moisésnën usakian Diosan a rabinux usai ꞌiti banakama ñuixunkin kamabi Israel unibu kakëxa. Kakëxun ka kamabi unin aín chupa chukakëxa,

Éxodo 19:15

ꞌimainun ka Moisésnën ësakin kakëxa: —Upiti mëníokanan kamina rabë́ ꞌimainun achúshi nëtë ꞌitamainun mitsun xanu aín nami ꞌatima ꞌain.

Hechos 9:15

Cacëxunbi ca Nucën ꞌIbu Jesusan Ananías cacëxa: —Racuë́axma ca cuantan. ꞌËn caíscë ꞌixun ca a unin judíos unicamaishima, bëtsi mecamanu ꞌicë unicamaribi aín ꞌapucamacëñunbi ñuixunquin ꞌë ñuiquin bana ñuixunti ꞌicën.

1 Corintios 7:5

Usa ꞌain ca xanun aín bënë aín nami ꞌaisa tancëxun timatima ꞌicën. ꞌImainun ca unínribi aín xanu aín nami ꞌamitisa tancëxun timatima ꞌicën. A rabëtaxbi upiti Nucën Papa Diosbë banatisa tani cananquin mëníotancëx cuni ca ënánanti ꞌicën. Ñunshin ꞌatimanën ꞌapúan ꞌatimaquin sinánmicëx tënëtisama tani ꞌuchati rabanan biránantëcënuxbi ca bënëtishi ënánanti ꞌicën.

1 Pedro 3:17

Axa cuëëncëbëa, Nucën Papa Diosan uni aín ñu upí ꞌacë, a cupí tëmërati asábi ꞌaínbi ca an ñu ꞌatima ꞌacë cupía uni tëmërati ax aín ꞌuchabi ꞌicën.