1 Samuel 21:2 - Kashibo-Kakataibo Biblia

² Kakëxun ka Davidtan kakëxa: —ꞌApun ka achúshi ñu mëníonun ꞌë xuaxa, kixun këmëkin uinbisa uisoti kara ꞌë xutia ꞌunántima ꞌikë kiaxa kixun kakëxa, uisa bana kara ꞌën bëkë ꞌikë aribi unántima ꞌikë kiax ka kiakëxa. Usa ꞌain kana ꞌën nikinkë suntárukama ꞌëbë mërananuxa unun kabëtsian.

1 Samuel 21:2 ပူးပေါင်းရင်းမြစ်များ

Génesis 27:20

Usakian kakëxun ka Isaacnën ñukákëxa: —¿Uisa ꞌixun kaina bënë́kinshi ñuina mërabëtsian, ꞌën bakën? Kakëxun ka min Diosan ka ꞌën bënë́kinshi mëranun ꞌë ꞌakianxa kixun Jacobnën kakëxa.

Génesis 27:24

amiribishi ñukátëkëankëxa: —¿Asérabi karamina mix ꞌën bëchikë Esaú a ꞌain? —Kixuan ñukákëxun ka ꞌëx kana Esaú ꞌa ꞌain —kixun Jacobnën kakëxa.

Gálatas 2:12

Jacobonëan xucë́xa uni raíri ucëma pain ꞌain ca Pedronën judíosma unicamabëtan piacëxa. Usaquin ꞌaxunbi ca Jacobonëan xucë unicama ucëbëtan atubëtan piquinma, judíosma unicama ëancëxa, axa Jerusalénuax ucë unicaman a ñu cati rabanan.

Colosenses 3:9

Acama ëanan camina bëráma ꞌatimaquin sinan ꞌixunbi bërí Cristonën sináncësa oquinshi sináncanin. Usa ꞌaish camina cëmëi paranántima ꞌain.

1 Samuel 19:17

Usa ꞌain ka Saúlnën Mical kakëxa: —¿Uisa kupín kaina ësokin ꞌë paránuxun ꞌëx ami nishkë uni abámian? Kixuan kakëxun ka. Micalnën kakëxa: —An ka abáti ꞌakinkëxuma kana asérabi mi ꞌaxun rakanin kixun ꞌë kaxa, usa ꞌain kana kuantanun kixun kan.

1 Samuel 21:3

ꞌAínbi kana panan ira, ¿ñu kaina piti nankëma ꞌain? ꞌË kamina mapai achúshi pán ꞌinánan añu kaina nan a ꞌë ꞌinánti ꞌain.