1 Samuel 20:41 - Kashibo-Kakataibo Biblia

⁴¹ Usakia kakëxa uni bëna ax kuankëbë ka David maxá chabu ꞌikë a kaxú chikíakëxa, chikiti ka Jonatán bëtánain aín bëmána memi bëtiki rantinpuruni achúshi ꞌimainun rabë́ oi ꞌiakëxa. Usai ꞌitankëx ka a rabëtaxi bëtsuku kánani iankëxa, ini ka David intëkëinsamaira oi ꞌinun iankëxa.

1 Samuel 20:41 ပူးပေါင်းရင်းမြစ်များ

Génesis 29:11

usakin ꞌatankëxun kakin aín kukun bëchikë bëtsukukakin bitsi ka iankëxa.

Génesis 29:13

Usokian aín bëchikënën aín chirabakën tuá Jacob ñuikin kakëx, aín ꞌikënuax abákiani kuanxun ꞌikúkin bikin bëtsuku kakëxa, usokin ꞌabiankin ka aín xubunu ubankëxa. Usai abë kuanxun ka aín xubunuxun Jacobnën usaía kuani ꞌikë akama ñuixuankëxa.

Génesis 33:4

Usaia ꞌikëbë abákiani kuankin ka Esaúnën ꞌikúkin tëpatsakin aín xukë́n biakëxa, bikin ka bëtsuku kakëxa. Kai a rabëtaxbi iankëxa.

Génesis 42:6

Usaia ꞌimainun ka José ax Egipto menu ꞌapu ꞌain, unikama trigo maruti anëkë ꞌiakëxa. Usa ꞌixun ka axa trigo marui bëtsi menuax kuankë unikama anu kuania trigo maruakëxa. Marukëbëbi ka aín xukë́n kamaxribi ami bëbai nirakëti aín bëmánanën me tikai rantinpuruni tsóbuakëxa.

Génesis 43:28

Kixuan ñukákëx ka akama tëtúbuti aín chixunu sënën kuabuti ami ꞌikin kakëxa: —An mi ñu mëëxunti, nukaman papa ka anu ꞌikën. Bëríbi ka tsótaxa.

Génesis 45:15

Usai Benjamínbë ꞌitankëx sënë́nkin ka Josénën aín xukë́n apankamaribi bëtsukukakin bitsi intëkëankëxa, ësai pain ꞌitankëxun ka aín xukë́nkama abë rakuë́timaishi banakëxa.

2 Samuel 1:2

Anu ꞌixunbi ka Davidnën Saúl ka ain bakë bëchikë rabëbë bamaxa kixun ꞌunánma ꞌikën, usa ꞌain ka rabë́ ꞌimainun achúshi nëtë ꞌikëbë anua Saúl ꞌikë anuax uni achúshi aín chupa tukibukë ꞌixun ain maxkánu chimaputan matakakiax ꞌitsaira masá nuituti kuatsini uakëxa. ꞌAi ka anu bëbai David bëtánain aín bëmánanën me tikai tëtúbuti tsóbuakëxa.

2 Samuel 1:26

ꞌAisamaira kana mi sinani masá nuituti bëunan mëskutin. ¡Jonatán ꞌën xukë́n ꞌakësamaira okin kana mi nuiban! ¡Min kamina ꞌitsaira ꞌë ꞌupíira okin nuiban! ꞌËx kana ꞌën xanu ꞌakësamaira oi mibë nuibanankën.

2 Samuel 19:39

Usakin kamainun ka kamabi unikama Jordán kakë baka sikarakëakëxa. Sikákëbëtan ka ꞌapun Barzilai kana kuantëkëni kixun kakin achúshi okin bëtsuku kakëxa. Usokin ꞌaxun kuantanun ëbiani ka Barzilai anuaxa ukë ꞌain xubunubi kuantëkëankëxa.

2 Samuel 9:6

kakëxuan kamikëx ka Mefi-bóset Jonatánnën bëchikë Saúlnën xuta uakëxa, ꞌai ka Davidnën ꞌikënu bëbakuatsini ami ñanati ꞌain bëmánanën me tikai ꞌiakëxa. ¡ꞌIkëbë ka munuma banai Mefi-bóset kai! —David kiakëxa. Kia ka Mefi-bósetnën David kakëxa: —Añu mi ꞌaxúnti kaina kuëënin a kana mi ꞌaxúnti ꞌai kixun kakëxa.

1 Reyes 1:16

Anu atsini Betsabé ami ñanati aín bëmánan memi bëtiki ꞌia ka ꞌapun ñukákëxa: —¿Añu mi ꞌaxúnti kaina kuëënin?

1 Reyes 1:23

bëbai ukëbëtan ka an ñu ꞌaxunkë unikaman ꞌapu an Dios kikë bana uni ñuixunkë Natán ka mi isi uaxa kixun kakëxa, kakëxa atsínun kikëbë anu atsini ka aín bëmánan memi bëtiki ꞌikin,

1 Reyes 1:31

Ësokian kakëx ka Betsabé ꞌapumi ñanati, a bëmánon ain bëmánanën me tikai ꞌiakëxa, ꞌi ka munuma banai kiakëxa: —¡ꞌItsa baritia ꞌimi ka ꞌën ꞌapu David tsóti ꞌikën!

Hechos 20:37

Banai sënënia ca —ꞌë camina istëcënuxunma ꞌai —quia oi camáxbi masá nuituti abë ꞌicúcanani bëunan mëscúquin bërúanxa cuanun caquin manë nuntinu ꞌirumiquin Pablo buáncëxa.

1 Samuel 10:1

Usa ꞌain ka Samuelnën ñunu ꞌarukë a xëni bikin anun ꞌikúkin aín maxkánu tutukakin Saúl kakëxa: —Nukën ꞌIbu ka mixmi bërí Israelkaman ꞌapu ꞌinun ꞌimiti ꞌikë kixun ka kakëxa. Mix atun ꞌapu ꞌixun kamina a ꞌurama ꞌikë ami nishkë uni kamabë ꞌakananun ꞌimitima ꞌain. ꞌImainun ka aín unikaman ꞌapu ꞌimikëx kaina uisai ꞌi tantia Diosan mi ꞌimikë ꞌikën.

1 Samuel 18:3

Anuax ka uínsaranbi ënanantëkënuxma ꞌunánankatsi kiax Jonatán ꞌimainun David kanankëxa, usai kanantankëx ka Jonatán ꞌimainun David ꞌitsaira bëruanankëxa.

1 Samuel 20:40

Usakin ꞌatankëxun ka Jonatánnën an ñu mëëxunkë bëná uni aín pia ëmanu buaxuntanun kakin ꞌinánkëx.

1 Samuel 24:9

usai ꞌikin ka kakëxa: —¿Uisa kupí kaina unikaman paránkin mi isa Davidnën ꞌakatsi kixun mi baria kixun kakëxun atun bana tankin ꞌë barin?