1 Samuel 20:32 - Kashibo-Kakataibo Biblia

³² Kakëxunbi ka Jonatánnën kakëxa: —¿Uisa kupí kara ax ꞌakë ꞌiti ꞌik? ¿Añu ꞌaisama kara ax bamanuxun ꞌax?

1 Samuel 20:32 ပူးပေါင်းရင်းမြစ်များ

Génesis 31:36

Usaía ꞌia isi xuamati nishkin ka Jacobnën aín kuku Labán a ësokin kakëxa: —¿Añu ñu, karana ꞌën an? ¿Añu ꞌai ꞌuchakuatsini ukë kaina ꞌë tantikimaira nuian?

Mateo 27:23

Quicania cuaquin ca Pilatonën cacëxa: —¿Añu ñu ꞌaisama cara ꞌax? Cacëxbi ca unicama munuma cuëncëni quitëcëancëxa: —Bamatanun ca i curúsocënu matás.

Lucas 23:22

Usaía quicaniabi ca rabë́ oquin cacësabi oquin Pilatonën amiribishi catëcëancëxa: —¿Añu ñu ꞌaisama cara ënën ꞌax? ꞌËn iscëx ca a cupía bamati ñu ꞌatima ꞌacëma ꞌicën. Usa ꞌain cana paë tanmitancëxuinshi cuantánun ënti ꞌain.

Juan 7:51

—Nucën Papa Diosan bana Moisésnën cuënëo ca quia, unin ca añu cara ꞌaxa quixun upí oquin ñucáxunmashi bëtsi uni ꞌuchotima ꞌicën.

1 Samuel 18:11

Usa ꞌain ka Saúlnën kënëkëñunbi amibi takáshkakin ꞌati sinánxun aín manë xëtokën ꞌakëxunbi Davidtan rabë́okin ñanákin ꞌamiakëxa.

1 Samuel 19:4

Usa ꞌain ka Jonatánnën ain papa Saúl, David ñuikin kakëxa: —Papa ësokin kana mi kain, David kamina ꞌaisama otima ꞌain, an ka mixmi ꞌapu ꞌikë mi uisabi oti sinanima, usa ꞌain kamina mix ꞌapu ꞌixun upíokin sinánti ꞌain;

1 Samuel 19:5

an ka filisteo uni achúshi axa ꞌakánanti ꞌunánkë ꞌikëbi ꞌakëmasa okinshi Goliat an ira ꞌaisa ꞌixunbi ꞌaxa, usakin ka Israel unikama ꞌakinun Nukën ꞌIbun ꞌamiaxa, ꞌaia kamina minbi isan isi kamina ꞌitsaira kuëan. ¿Usa ꞌain kamina ñu ꞌaisama ka ꞌakëma ꞌikë David ꞌati sinántima ꞌain?

1 Samuel 20:1

Usa ꞌain ka David Naiot kakë Ramá anu abákë ꞌain Jonatán anu ꞌikë ami kikiani a kai kuanxun kakëxa: —¿Añu karana ꞌën an? ¿Uisa ñu ꞌatima karana ꞌën an? ¿Añu ꞌai ꞌëx ami ꞌuchakë kara min papan ꞌë ꞌakatsi kixun barin?

1 Samuel 20:7

Ësokin kakëxua mi asábi ka kixun kakë ax ka asábi ꞌiti ꞌikën; ꞌaínbia min kakëx nishkëbëtan kamina ꞌunánti ꞌain, an ka ꞌë ꞌatimoti sinanx ka usai ꞌia kixun.