1 Samuel 20:30 - Kashibo-Kakataibo Biblia

³⁰ Usakin kakëx ꞌitsaira ami nishkin ka Saúlnën Jonatán kakëxa: —¡Mix kamina min tita ꞌatima sinanñunën tuá ꞌain, usa ꞌaish kamina mixribi usarabi ꞌain! ¿ꞌËn karana ꞌunanima mix kamina Jesénën bakë bëchikë abëira nuibananima kixun, usakinmi ꞌakë a kupí kara min tita rabintima ꞌik?

1 Samuel 20:30 ပူးပေါင်းရင်းမြစ်များ

Job 5:2

An ꞌunántisa ꞌikëbi ñu ꞌunánkëma uni ax ka Diosmi ꞌatimati sinánkë kupí ñuia, ꞌimainun ka bëtsi unin paránkin kakëxunbia an usama ka kixun kakinma asábi ka kixun kakë axribi bamaia.

Proverbios 15:2

Ax sinánñu unikaman ka bana ñuikin an ꞌunánkë ñukama bëtsi ñuixunia; ꞌaínbi ka an ñu unántisa ꞌikëbi ꞌunánkëma atux ꞌatimakin sinánishi banaia.

Proverbios 27:3

Maxákama ꞌimainun masikama ax ka ꞌëñë ꞌikën, ꞌaínbi ka usamaira ꞌunántisa ꞌikëbia ñu ꞌunánkëma unikama atun nishkë ax ꞌikën.

Mateo 5:22

Usaía quiá ꞌaínbi cana ꞌën mitsu cain, axa uni itsi, aín xucë́nsa ꞌicëbi ami nishcë uni ax ca ꞌuchocë ꞌaish castꞌicancë ꞌiti ꞌicën. Axa uni itsi ñu cai ꞌatimati banacë uni a ca mitsun cushibunën ꞌapucaman ꞌuchoti ꞌicën. ꞌImainun ca an ami nishquin uni itsi —ñunshin bacë camina ꞌai —quixun cacë uni ax, axa manë tsinu ꞌiti uníxa ꞌuchacësaribi ꞌicën.

Efesios 4:31

Usa ꞌain camina uinu ꞌicë unibëbi nishanantima ꞌain, uni itsimi camina xuamati nishtima ꞌain, unibë camina ñu canantima ꞌain, uni ñui camina ꞌatimati banatima ꞌain, uisa ñu cara ꞌatima ꞌicë a camina ꞌatima ꞌain.

Efesios 6:4

Bëchicëñu unicama, mitsuribi cana cain, min bëchicë camina nishmitima ꞌain. Min bana parë́quinma min cacësabi oquin ꞌanun camina canioti ꞌain. Usoquin canioquin camina a ñuixunquin Nucën ꞌIbu Jesucristo cuëëncësabi oquian ꞌanun ꞌunánmiti ꞌain.

1 Samuel 20:29

Ñukákin ka ꞌë koonxa aín aintsikamainsa ñuina xaroia, usa ꞌainsa atubëtan fiesta aín ëmanuxun ꞌai kuanuinsa aín xukë́n apanën kamiaxa. Usa ꞌain ka ënuxun ꞌakinma aín aintsikama isanan anuxun ꞌai kuankatsia kixun ka ꞌë konxa. Usa ꞌaish ka nubëtan pinux tsóbuti ukëma ꞌikën

1 Samuel 20:31

Usa ꞌain kamina axa ënë menu tsókëbë mi ꞌimainun min aintsikama uínsaranbi ꞌapu ꞌitima ꞌikën. ¡Usa ꞌain kamina baribëtsinkin ꞌë bëxunun uni xuti ꞌain, a kana ꞌakë istisatanin!