1 Samuel 20:27 - Kashibo-Kakataibo Biblia

²⁷ ꞌAínbi ka anua fiesta ꞌati nëtë pëkaratëkënkë anun anua David tsókë ax usabi anu tsókëma ꞌitëkëankëxa. Usa iskin ka Saúlnën aín bakë bëchikë Jonatán ñukákëxa: —¿Uisai ꞌiax kara Jesénën bakë bëchikë David piima ꞌiónxbi bërí nëtënribi ukëma ꞌik?

1 Samuel 20:27 ပူးပေါင်းရင်းမြစ်များ

Mateo 13:55

Ënëx ca carpinteronën bëchicë ꞌicën, ꞌimainun ca aín titax María ꞌicën. Jacobo, José, Simón, Judas acamax ca aín xucën ꞌicën.

1 Pedro 2:4

Usa ꞌain camina axa bamatimoi tsócë, Jesucristo, a sinani ami catamëti ꞌain. Judíos unían cuëëncëma ꞌaíshbi ca anun cuëënquin Nucën Papa Diosan iscëx ax upíira ꞌicën. Unían xubu ꞌaquin maxax upí ami xubu raroti caíscë usaribi ca Jesucristo ꞌicën.

1 Samuel 18:11

Usa ꞌain ka Saúlnën kënëkëñunbi amibi takáshkakin ꞌati sinánxun aín manë xëtokën ꞌakëxunbi Davidtan rabë́okin ñanákin ꞌamiakëxa.

1 Samuel 19:15

Usokin kakëx rikianxun a unikaman Saúl kakëxa, David ka ꞌinsínkë ꞌiaxa, kakëxun ka Saúlnën, amiribishi aín unikama David baritëkëntanun kixun ësokin kaxun xuakëxa: —¡ꞌIsianxa aín ꞌuxtinu rakakëbi kamina David ꞌaminun ꞌë bëxúnti ꞌain!

1 Samuel 20:26

A nëtën ka Saúl uisaibi kiama ꞌikën, an ka sinánkëxa David sapi ka ñu ꞌatima ꞌaxa, usa ꞌaish ka upiti mëniókakëmapan ꞌikë kixun.

1 Samuel 20:28

Ësokin kakëxun ka Jonatánnën kakëxa: —Davidnën ka bënë́kiani Belénnu kuankatsi kixun ꞌë ñukónxa.

1 Samuel 20:5

Kakëxun ka Davidtan kakëxa: —Ka kuat, imë́ishi ka ꞌuxë ió ꞌikëbëtan fiesta ꞌaia, usa ꞌain kana ꞌapubëtan pinux anu ꞌiti ꞌain. Usa ꞌaínbi kana ꞌëx anu ꞌitima ꞌain, kamina imë́ishi ꞌibaitia pë́karakë a xupibutamainun unë́tanun ꞌë xuti aín,