1 Samuel 20:1 - Kashibo-Kakataibo Biblia

¹ Usa ꞌain ka David Naiot kakë Ramá anu abákë ꞌain Jonatán anu ꞌikë ami kikiani a kai kuanxun kakëxa: —¿Añu karana ꞌën an? ¿Uisa ñu ꞌatima karana ꞌën an? ¿Añu ꞌai ꞌëx ami ꞌuchakë kara min papan ꞌë ꞌakatsi kixun barin?

1 Samuel 20:1 ပူးပေါင်းရင်းမြစ်များ

2 Corintios 1:12

Cananuna asérabi ꞌunanin, Nucën Papa Diosan ꞌimicëx nun nuitu upí ꞌixun cananuna unicama paránquinma ñu upíshi ꞌa quixun. Unicaman ca usaínu ꞌia nu isaxa. Uni itsían nu iscësamaira oquin camina usaínu ꞌia mitsun nu isacën. Usaquin sinani cananuna cuëëinra cuëënin. Nunbi unin sináncësa oquin sinani cananuna usai ꞌicëma ꞌain. Nucën Papa Diosan nu nuibaquin ꞌaquincëxëshi cananuna usai ꞌian.

2 Pedro 2:9

A unicama atun ꞌucha cupí Nucën ꞌIbu Diosan ꞌatimocëbëbia Noé ꞌiásaribiti Lot ië́a, a sinánquin cananuna ꞌunánti ꞌain, Nucën ꞌIbu Diosan ca axa ami catamëti ax quicësabi oi ꞌicë unicama, uisa ñu cara ꞌicëbëtanbi ië́miti ꞌicë quixun. Usonan ca an ñu ꞌatima ꞌacë unicama ië́miquinma, anúan an camabi uni isti nëtë utámainun tëmëranun ënti ꞌicën.

1 Juan 3:21

ꞌËn nuibacë xucë́antu, nun ñu ꞌatima ꞌacëcama a mëníocë ꞌain cananuna a sinani masá nuitutima Nucën Papa Diosbë banati ꞌain.

1 Samuel 12:3

ënu kana bërí mitsubë ꞌain: Usa ꞌain kamina uisai karana ꞌia ꞌë kakanti ꞌain, bëtsin ꞌarakakë vaca ꞌanan karana aín burro ꞌënamabi mëkamaxun ꞌibuanan, karana ami kuaikin ꞌën kuëënkësa okin an a unikaman ka bëríbi Nukën ꞌIbun ismainun kanan anbia kaískë mitsun ꞌapu ënën kuamainunbi ꞌë kati ꞌikën, bërí kana ui karana ribini a kupíoti ꞌain.

1 Samuel 19:1

Achúshi nëtën ka Saúlnën aín bakë bëchikë Jonatán ꞌimainun an ꞌakinkë suntárunën kushikama David isa ꞌanun kixun kakëxa. ꞌAínbi ka Jonatán ax Davidbë nuibanankë ꞌiakëxa,

1 Samuel 19:18

Usai ka David aín xubunuax abákëxa. Abáx ka Samuel Ramá kakë ëmanua isi kuankëxa, kuanxun ka anu bëbaxun Saúlnën usokin ꞌakëkama ñuixuankëxa. Usai banakiani ka anuax David ꞌimainun Samuel ëma chukúma Naiot anu tsóti kuankëxa.

1 Samuel 20:2

Kixuan kakëxun ka Jonatánnën kakëxa: —¡Diosan ka mia ꞌati kuëëntima ꞌikën! ¡ꞌËn papan ka mi ꞌaisatania ꞌaínbi ka mi ꞌatima ꞌikën! Min kamina ꞌunánti ꞌain, ꞌën papan ka añu ñubi ꞌatima ꞌikë, an ka añu kara ꞌaisa tania axira cha ꞌixunbi ꞌë kaia. ¿Uisa kupín kara ꞌën papan ësakian mi ꞌakë ënë ꞌë ñuixuntima ꞌik? ¡Usa ka ꞌitima ꞌikën!

1 Samuel 20:32

Kakëxunbi ka Jonatánnën kakëxa: —¿Uisa kupí kara ax ꞌakë ꞌiti ꞌik? ¿Añu ꞌaisama kara ax bamanuxun ꞌax?

1 Samuel 24:11

“Min ka upíokin is ꞌën ꞌapu añu karana tuian kixun kakëxa: Ënëx ka min pañukë tari aín kuëbí tukakin ꞌën bikë ꞌikën, ësokin ꞌakin kana mi ꞌakë ꞌitsían. Usa ꞌain kamina ꞌunánti ꞌain ꞌën kana mi uisabi oisamatan kixun, ꞌianan kana këmëxun mi ꞌati kuëënkëma ꞌain. ꞌAínbi kamina mix ꞌapu ꞌixunbi ꞌakatsi kixun ꞌë barin.

1 Samuel 24:12

¡Usa ꞌain ka Nukën ꞌIbun nu rabë́ uisa kara oisatania usokin ꞌati ꞌikën, ꞌanan ka uin kara bëtsi ꞌaisama oisatania a istankëxun! aín ꞌapu ꞌikëbi mi ꞌanan ꞌëribi ꞌati ꞌikën, ꞌaíshbi kana ꞌëx uínsaranbi mi ꞌakatsi kitima ꞌain.

1 Samuel 24:17

ka kakëxa: —Mixmi kikë ax ka asérabi ꞌikën, ꞌën mi ꞌaisama oti sinánxun ꞌakëxunbi kamina min ꞌë usaribi okin ꞌatima oti sinánkëma ꞌain.

1 Samuel 24:9

usai ꞌikin ka kakëxa: —¿Uisa kupí kaina unikaman paránkin mi isa Davidnën ꞌakatsi kixun mi baria kixun kakëxun atun bana tankin ꞌë barin?