1 Samuel 2:6 - Kashibo-Kakataibo Biblia

⁶ Usa ꞌain ka Diosan uni tsónun ꞌimianan bamanun ꞌimia; ꞌimianan ka anu uni mainkënu ꞌimixunbi, anuabi uni baískimi tëkënia.

1 Samuel 2:6 ပူးပေါင်းရင်းမြစ်များ

1 Reyes 17:22

Usokin ñukákëxun ka Nukën ꞌIbun Elíasnën ñukákësabi okin a tuá baískimiakëxa.

2 Reyes 5:7

Ësokin ꞌaxuan ꞌinánkëx Samarianu bëbax ka anua ꞌapu ꞌikë aín xubunu kuanxun ꞌIsraelnën ꞌapu kirika kuënëokë buánkë a ꞌinánkëxa, ꞌinánkëxun istánkëx ka Israel unikaman ꞌapu aín chupa tukai nishi kiakëxa: —¿ꞌËx karana an uni tsónun ꞌimianan bamanun ꞌimikë a ꞌain, ꞌapu ꞌitsían uni achúshi an nami chëkimikë ꞌinsin ꞌën pëxkunun ꞌënu xunun karana ꞌëx Dios ꞌain? ¡ꞌËn sinánkëxun sapi ka nubë ꞌakánanti barikin ësokin ꞌaia usa ꞌain kananuna upiti bërúankati ꞌain!

Job 5:18

An mi ꞌinsinun ꞌimitankëxunbi ka amiribishi anbi mi pëxkutëkënti ꞌikën; ꞌimianan ka tëmëranun ꞌimitankëxunbi anbi mi kuëëmitëkënti ꞌikën.

Salmos 116:3

ꞌËx kana ꞌatima ñu inuti bamati ꞌuramashira ꞌiakën, usai ꞌikin ꞌatimakin sinánkë anunbi kana, paëtani rakuëakën.

Eclesiastés 3:3

Anu ka anun ñu ꞌati nëtëribi ꞌikën, ꞌimainun ka anun ñu ronti nëtëribi anu ꞌikën. Anu ka anun ñu ꞌatima oti nëtë ꞌikën, ꞌimainun ka anun ñu mëníoti nëtëribi anu ꞌikën.

Ezequiel 37:12

Asábi ka usa ꞌain kamina ꞌën anë ñuikin atu kati ꞌain: Ësai ka Dios kiaxa: ꞌËn unikama anumi mitsux bamakësa ꞌaish bukukë me anua kana mitsu chikínti ꞌain, usakin ꞌaxun kana Israel unikaman menubi mitsu buántëkënti ꞌain.

Ezequiel 37:3

Usa ꞌain ka ësokin ꞌë kakëxa: ¿Min sinánkëx kara ënë xokama amiribishi unitëkënti ꞌik? Kixun kakëxun kana ꞌën kakën: ꞌËn ꞌIbu minshi kamina unan.

Mateo 12:40

Jonás ax ca bacanu ꞌicë ñuina cha aín pucunu rabë́ ꞌimainun achúshi nëtë, ꞌimainun rabë́ ꞌimainun achúshi imë́ribi ꞌiacëxa. Usaribiti cana uni ꞌinux Nucën Papa Diosnuax uá, ꞌëx rabë́ ꞌimainun achúshi nëtë, ꞌimainun rabë́ ꞌimainun achúshi imë́ matá quiniocë anu racáncë ꞌiti ꞌain.

Juan 11:25

Cacëxun ca Jesusan cacëxa: —ꞌËx cana an uni baísquimiti a ꞌain, ꞌianan cana anúan uni ainan ꞌaish Nucën Papa Diosbë ꞌiti a ꞌain. Axa ꞌëmi catamëcë uni, ax ca bama ꞌaíshbi tsónux baísquiti ꞌicën.

Deuteronomio 32:39

ꞌËx kana asérabi Dios ira a ꞌain; usa ꞌain ka ꞌësaribi bëtsi Dioskama ꞌaíma ꞌikën. ꞌËn kana kamabi uni aín tsóti ꞌunanin, ꞌimainun kana anua ñuti nëtë aribi ꞌunanin; ꞌën kana uni ꞌaisama okin ꞌatima oxunbi aín ꞌatimakë a mëníoxunin. Uinu ꞌikë uníxbi ka ꞌëx kushiira ꞌain ꞌën ꞌatima okaskëx ënuax abáti ꞌaíma ꞌikën.

Apocalipsis 1:18

ꞌËx cana axa bamatimoi tsócë a ꞌain. Bamatancëx baísquia ꞌaish cana bamatëcëntimoi tsotin. Ui unicamax cara uiti nëtën tsóti ꞌicë, uisa nëtën cara bamati ꞌicë quixun cana ꞌën mëníoin. Bamatancëx cara aín ꞌucha cupí anuax uni tëmëracë anu cuanti ꞌicë, cara anua aín ꞌucha tërë́ncë uni ꞌicë anu cuanti ꞌicë quixun cana mëníoin.

1 Samuel 20:3

Kakëxunbi ka Davidnën munuma banakin katëkëankëxa: —Min papan ka upíokin minmi ꞌë ꞌitsaira nuibatia ꞌunánxa, usa ꞌain ka min ꞌunánkimi an ꞌaisa tankë ñu a kuëënxuntima kuëënia. ¡ꞌAínbi kana uisaxunbi sinanatima okin Nukën ꞌIbun kuamainunbi mi kain, ꞌëx kana bamati ꞌuramashi ꞌain!