1 Samuel 2:32 - Kashibo-Kakataibo Biblia

³² Usa ꞌain kamina ꞌaisamaira nitë́xëti Israel unikama upíokin ꞌën ñu ꞌaxunkëbë atumi nishtima ꞌain, ꞌimainun ka uínsaranbi min aintsi ꞌibukama kaniakëtira tsótima ꞌikën.

1 Samuel 2:32 ပူးပေါင်းရင်းမြစ်များ

1 Samuel 2:33

ꞌAínbi kana ꞌën min rëbúnki achúshi an sacerdote ꞌixun ꞌë ñuina xaroxunun ꞌimiti ꞌain, ax ka bëskuni bëkaniakati ꞌiskasmati ꞌën mi kakësabi oi tëmërati ꞌikën, usai ꞌimainun ka min rëbúnki raírinëx bëtsi unikaman ꞌakëx këñuti ꞌikën.

1 Samuel 4:11

ꞌAnan ka filisteo suntárukaman anua Diosan bana kuënëokë ꞌarukë bunántisa okin ꞌakë aribi Israel suntárukama ꞌakin, bianan ka Elínën bakë bëchikë rabë́ Hofní ꞌimainun Finees aribi rëtëkankëxa.

1 Samuel 4:4

Usai kitankëxun ka Israel ꞌapukaman an biti suntáru raíri Siló kakë ëmanu xuakëxa, xukëx kuanxun ka bunántisa okin ꞌakë kurin ratakakakë anua Dios kamabi kushiñu Querubin samaira ainan a bëakëxa. Bëkëbë ka Elínën bëchikë Hofní ꞌimainun Finees a rabëtaxribi atubë uakëxa, ukin ka anua Diosan bana kuënëokë ꞌarukë bunántisa okin ꞌakë a bëakëxa.