1 Samuel 2:29 - Kashibo-Kakataibo Biblia

²⁹ ¿Mitsun kamina usakin ꞌanun kakëxuan ꞌaiabi, ꞌë ꞌinainshikë ñu ꞌatimon? ¿Uisati kaina min bakë bëchikëkama usakin ꞌëmi manuxun ñu ꞌanun ꞌamiti ꞌain? ¿Mitsux kamina ꞌë ꞌinainshiti Israel unikaman bëkë piti ñu upíbu a pibi xuátima ꞌai kiax ka Dios kiaxa?

1 Samuel 2:29 ပူးပေါင်းရင်းမြစ်များ

Ezequiel 34:10

ꞌëx Dios ꞌaish kana usai kin: Mitsux an ñuina bërúankë unikamasa ꞌain kana ꞌëx mitsumi nishkë unisa ꞌain, usa ꞌixun kana Israel unikama ꞌën ñuinasa ꞌikëbi bërúankëma a ñuikin mitsu kati ꞌain; bërí kana bërúanxuma ꞌanun mitsu bikuanti ꞌain, usa ꞌain kana axa ꞌën ovejakamasa ꞌikë bitëkënti ꞌain, mitsun pikinshi këñutima kupín, kiax ka Dios kiakëxa.

Ezequiel 34:2

“Mix uni ꞌixun kamina ꞌë ñuikin an, Israel unikama bërúankëkama kati ꞌain: Ësai ka Dios kiaxa: ¡An Israel unibu bërúankë unikama ax ka atuxi bërúankatia! Usa ꞌain ka an bërúankë unikaman aín ñuina bërúankë usaribi ꞌixun ꞌën uni bërúanti ꞌikën.

Oseas 4:8

ꞌËn unikaman aín ꞌucha mëníokakin ꞌinainshikë ñukama a marui kamina mitsux tsotin; usakin ꞌakin kamina ꞌën unikamaxa abi ꞌuchanun ꞌimin.

Levítico 19:15

Unin mix ꞌapu aín bëtsi unibëtan bana mëníoxun kakëxun kamina kana ꞌaima kakinma an ñu ꞌakë ëanan, an ñu ꞌakëma a tëmëratanun ꞌatima otima ꞌain, uisa ñu kara ꞌaxa kixun pain istankëxun kamina a rabë́bi tëmëramiti ꞌain.

Miqueas 3:5

Ësai ka Dios an aín unikama këmëkin bana ñuixunkë unikama ñui kiaxa, a unikamax ka upiti kananuna bukuti ꞌai kiax mitsun piti ꞌinánkëxun pi kia, ꞌaínbi ka uin kara piti ꞌinanima a unikama ꞌakánanti ka ꞌiti ꞌikë kixun kaia. Usa ꞌain ka an bana ñuikë unikama a Diosan ësakin kaia:

Mateo 10:37

ꞌËn unicaman ca aín papa, aín tita nuibati ꞌicën. Nuibatibi ca atu nuibacësamaira oi ꞌëmi sinánti ꞌicën. Usai ꞌëmi sináncëma ꞌaish ca ꞌën unimasa ꞌicën. Usaribiti ca ꞌëmi sináncësamaira oquian aín bëchicë nuibacë uni ax ꞌën unimasa ꞌicën.

Mateo 22:16

Sinántancëxun ca aín uni raíri ꞌimainun axa Herodesmi sináncë unibu Jesús ñucánun quixun xuacëxa. Xucëx cuanxun ca a unicaman Jesús cacëxa: —Cananuna ꞌunanin, min banax ca asérabi ꞌicën. Uisai cara Nucën Papa Diosan uni ꞌiti ꞌicë quixun camina cëmëquinma asérabi ñuin, unían min a bana ñuia cuati cuëëncëbëtanmabi. Min sináncëx ca camabi uni bëtsibëtan sënën ꞌicën. Usaquin sinánquin camina camabi ñuñu ꞌimainun ñuñuma unicama ꞌimainun ꞌapuburibi uisai cara Nucën Papa Diosan uni ꞌiti ꞌicë quixun ñuixunin.

Lucas 14:26

—Uix cara ꞌën uni ꞌiisa tania an ca aín papa, aín tita, aín xanu, aín bëchicë, aín xucën, aín chirabacë, acama nuibacësamaira oi ꞌëmi sinánti ꞌicën. Usai ꞌianan ca ax upiti tsótishi sinanima ꞌëmi sinani ꞌëx cuëëncësabi oishi ꞌiti ꞌicën. Ui unix cara usai ꞌiisama tania ax ca ꞌën uni ꞌitima ꞌicën.

Romanos 16:18

Usa unin ca Nucën ꞌIbu Jesucristo cuëëncësabi oquin ꞌaquinma aín cuëëncësa oquinshi ꞌaia. Atux ca an Nucën Papa Diosan bana upí oquin ꞌunáncëma unicamabë upiti banaibi cëmëia. Usaquin paránquin ca aín bana cuanun uni sinánmia.

2 Corintios 5:16

Bëráma uni isquin, ax ca unishi ꞌicë quixun sinan ꞌixunbi cananuna bërí, uisa uni cara, —axribi ca Jesucristonan ꞌiti ꞌicë —quixun sinanin. Usaribi oquin —Cristo ax ca unishi ꞌicë quixun sinan ꞌixunbi cananuna bërí Cristo ax ca asérabi Nucën Papa Diosan Bëchicë, an nu ainan ꞌinun ië́micë, a ꞌicë quixun ꞌunanin.

Deuteronomio 32:15

ꞌAínbi ka Jacobnën rëbúnki, an pitishi sinánkëkama, ꞌaisamaira pi xuati ñuina rërakati aín rani nibánibákikë usai ꞌikinbi, ñuinanëa aín ꞌibu aín taën ꞌakësokin, an unio ꞌixunbi Diosan kakëxun kuaisama tankëxa; usai ꞌikin ka an kakëxunbi kuaisamatankin Dios ënkankëxa.

Deuteronomio 33:9

atun ka minmi ká banakama kikësabiokin asérabi ꞌaia ꞌanan ka achúshi ñu min atubëtan ꞌa ax kikësokinbi ꞌaia: Usakin ꞌai atux aín papa ꞌimainun aín tita ñui uinsaranbi kana atu iskëma ꞌai kiax kia; kianan ka aín xukë́nkamakëñun aín chirabakëkama: Ñuiribi atu kana ꞌunánima kia, kianan ka aín bakë bëchikë bëbu ꞌimainun xanukamaribi: ñui uin bëchikë kara atux ꞌikë kana ꞌunanima kiax kia.

Santiago 3:17

Usa ꞌaínbi ca Nucën Papa Diosan sinánmicë unin upí oquinshi sinánquin upí ñu ꞌaia. Ca unibë nishananquinma nuibananquin bëtsi unían cacëxun cuaquin upí oquin bana sinánan uni itsiribi nuibaquin axa ꞌaquinsa ꞌicë ꞌaquinia. Usa unin ca cëmëma ꞌixun paránanquinma aín quicësabi oquin ꞌaia.

1 Samuel 3:13

ꞌËn kana usabi okin aín aintsikama tëmëramiti ꞌai kixun kana a ñuixuan, usakin kana ꞌitsaira ꞌinun ñu ꞌaisama ꞌakë kupín ꞌati ꞌai kixun ka an ꞌunánxa; aín bakë bëchikë kaman ꞌën kuëënkëma ñukama ꞌaiabi ka usakin kamina ñu ꞌatima ꞌai kixun ꞌësëkin kakëma ꞌikën.