1 Samuel 2:28 - Kashibo-Kakataibo Biblia

²⁸ ꞌImainun kana Israel unikaman ñaká kamanua ꞌën kaískë sacerdote ꞌixuan atun anuxun ñuina xaroti ꞌën ꞌamikë anuxun, ñuina xaronan sanuira ro aribi ꞌanan sacerdote unikaman pañukë chupa upíira a pañunun ꞌamiakën. ꞌAmianan kana mitsun rarakama ꞌimainun mitsuribi ꞌë ꞌinaishikë ñu ꞌë rabikin xaroia aín tëxëkë pinun ꞌamiakën.

1 Samuel 2:28 ပူးပေါင်းရင်းမြစ်များ

2 Samuel 12:7

Ësokin kakëxun ka Natánën kakëxa: —¡Mix kamina a uni ꞌain! Ësai ka Israel unibunën Dios ax mi ñui, kiáxa: ꞌËn kana a Israel unibunën ꞌapu ꞌinun mi kaisakën: ꞌImainun kana Saúlnën ꞌati ꞌikëbi bërúankin ꞌakiankën;

2 Samuel 6:14

Usa ꞌain ka David chupa efod lino ꞌakë a pañuax kuani ꞌain kushibëbi kuëëni ransakiankëxa,

1 Samuel 14:3

Siló kakë menu ꞌikë sacerdote Ahías ax ka anbia usakin ꞌakë ꞌixun lino ꞌakë chupa efod kakë a uankë ꞌiakëxa. Ax ka Ahitud aín bakë bëchikë Icabodnën piaka ꞌiakëxa, ꞌimainun ka Fineesnën bakë bëchikë Elí, Nukën ꞌIbun sacerdote Silónu ꞌikë aín baba ꞌiakëxa. Usa ꞌaínbi ka aín unibë ka Jonatán kuanxa kixun unin ꞌunánma ꞌikën.

1 Samuel 2:18

Usokia atun ꞌamainun ka, bëná ꞌixun Samuelnën efod kakë chupa upíira lino ꞌakë a pañukë ꞌixun Nukën ꞌIbun ñu mëëti ënkinma abi ꞌakëxa.