1 Samuel 2:23 - Kashibo-Kakataibo Biblia

²³ Usa ꞌunánxun ka aín bakë bëchikëkama kakëxa: Kamabi unix ka mitsunmi ꞌatima ñu ꞌakëbë ꞌëmi banaia. ¿Uisa kupín kaina mitsun usakin ñu ꞌain?

1 Samuel 2:23 ပူးပေါင်းရင်းမြစ်များ

1 Reyes 1:6

Aín papan ka kaniabi uínsaranbi ꞌësëkinma kanishiokëxa, usa ꞌixun ka ñu ꞌatima ꞌaiabi usakin kamina ñu ꞌatima ꞌai kixunbi káma ꞌikën. Adonías ax ka an Absalón kati kabuini bakë́an ꞌiakëxa, usa ꞌaish ka aín xukë́n bëiskësabi uni ꞌiakëxa.

Hechos 14:15

—¿Uisocasquin caramina ësoquin ñu ꞌacanin? Nuxribi cananuna mitsusaribi unishi ꞌain. Usa ꞌaíshbi cananuna an mitsu ꞌaquincëxunmabimi ñancábi ñu rabicë, a ënquin Nucën Papa Dios ashi rabinun quixun mitsu cai uan. An bamatiomoi tsóo ꞌixun naí, me, bacacama ꞌimainun anu ꞌicë ñucamaribi unio, a camina sinánti ꞌain.

Hechos 9:4

Usoquian pëcacëx menu nipacëquin ca ësaía quia cuacëxa: —Saulo, Saulo, ¿uisati caramina ꞌë bëtsi bëtsi oin?

Filipenses 3:19

Atúan ñunshínquin aín cuëëncësabi oquinshi ñu ꞌaia isquian unin —ñu ꞌaisama ca ꞌaia —quixun ñuicëxbi rabínquinma an ꞌacësabi oquin ꞌai ca rabitia. Jesucristomi sinánquinma ca ënë menu ꞌicë ñuishi sinania. Usaía ꞌicë cupí ca ainanma ꞌaish xënibua ꞌaínbi Nucën Papa Diosbë ꞌitima ꞌicën.

1 Samuel 2:22

ꞌImainun ka Elí ax kaniakëkë uni ꞌixunbi, aín bakë bëchikëkaman Israelkamabëtan ꞌatima ñu ꞌaia ꞌunánkëxa, ꞌunánkin ka anuax Diosbë mërananti ꞌakë xubu chukúma aín xëkuënua an bërúankë xanukamabë ꞌuxkë aribi ꞌunánkëxa.

1 Samuel 2:24

Usokinmi mitsún ñu ꞌakë ax ka ꞌën kuakëx upíma ꞌikën, usokin ꞌakin kamina Nukën ꞌIbun unikama mitsún ꞌuchamin, usa ꞌain ka unikamax mitsun ꞌakë ñu ñui banaia.