1 Samuel 2:12 - Kashibo-Kakataibo Biblia

¹² Elínën bëchikë kamax ka sacerdote ꞌaíshbi ñu ꞌatima ꞌakë ꞌaish ꞌatima sinánñubu ꞌiakëxa, usa ꞌixun ka Nukën ꞌIbun kuëënkësama okin ñu ꞌakëxa,

1 Samuel 2:12 ပူးပေါင်းရင်းမြစ်များ

1 Reyes 21:10

ꞌAtankëxun ka rabë́ uni axa ami këmëi a ñui bananun kixun katankëxun a rëkuë́mikin tsónkanti ꞌikën, a unix ka Nabotnëx ka Dios ñui kianan ꞌapu Ahab ñuiribi ꞌatimati banaxa kiti ꞌikën. Usaia kikëbëtan ka ëman chikíntankëxun anuxun maxaxan ꞌakin rëkanti ꞌikën.”

1 Reyes 21:13

Usokia ꞌan ka axa ami këmëi banai usaisa kiaxa kitia anëkë uni rabë́ axribi anua timëkankë anuax, usaisa Nabot kiaxa kiax kamabi unin kuamainun ësai kiakëxa. Nabot ënëx ka Dios ñui kianan ka ꞌapu ñuiribi ami ꞌatimati banaxa kiakëxa. Usai uni rabë́ ax kikëbëtan ka Nabot anua ꞌikankë atun ëmanua chikinbianxun a ꞌurinxun maxáxan ꞌakin rëkankëxa.

Jeremías 2:8

ꞌImainun ka sacerdote kamanribi ꞌën ꞌakinun ꞌë bariti sinánma ꞌikën, ꞌimainun ka an ꞌën bana kuënëo ꞌunánkë unikamanbi ꞌë ꞌunántisamatankëxa, ꞌimainun ka ꞌapukamaribi ꞌëx kikësokin ꞌaisamatamainun, an Dios kikë bana ñuikë unikamaxribi ꞌëmi manutankëx unin rabikë Baal a ñuishi banakëxa, usai ꞌikian a ñukama rabikë ax ka ñankabia ꞌakë ꞌiakëxa.

Juan 16:3

Uisa nëtë́nbi Nucën Papa Dios ꞌimainun ꞌëribi ꞌunáncëma ꞌixun ca usoquin mitsu ꞌati ꞌicën.

Juan 17:3

Ui unin cara mixëshimi asérabi Dios ꞌicë, mi ꞌunánan minmi ënë menu unun xuá, ꞌë ꞌunáncë, a unicamaxëshi ca xënibua ꞌaínbi minan ꞌaish mibë ꞌiti ꞌicën.

Juan 8:55

Ax ca Nucën Papa Dios ꞌicë quiquinbi camina mitsun a ꞌunaniman. Mitsúnmi ꞌunaniamabi cana ꞌën a ꞌunan. ꞌËn ꞌunáncëma ca ax ꞌicë quixun mitsu cai cana ꞌëxribi mitsusaribi cëmë ꞌitsían. ꞌËn cana asérabi a ꞌunan. Usa ꞌixun cana axa quicësabi oquin ꞌain.

Romanos 1:21

A unicaman, ui cara Nucën Papa Dios ꞌicë quixun ꞌunánquinbi ca a sinánquin, —mix camina Nucën Papa Dios ꞌai —quixun caiman. Nucën Papa Diosan ñu ꞌaxuncëxunbi ca a unicaman —camina nu ñu ꞌaxuan, ca asábi ꞌicë —quixun rabiquin cacëma ꞌicën. Caquinma atun sináncësa oquinshi ꞌacë ñuishi ꞌacë ꞌixun ca ꞌatima ñuishi ꞌai sinánñuma unisa ꞌicanxa.

2 Corintios 6:15

¿Cristonën cara ñunshin ꞌatimanën ꞌapúan sináncësa oquin sinanin? Usaquin ca sinaníma. ¿Axa Cristomi catamëcë unin cara axa Cristomi catamëcëma unin sináncësaribi oquin sinanin? Usaquin ca sinaníma.

Jueces 2:10

ꞌImainun ka Israelkama axa Josué tsókëpan ꞌain tsóa atúxribi ñuakëxa. Usa ꞌain ka bëría bakënkëkama atun ka uisaxunbi Nukën ꞌIbu ꞌunánan an israel unikama ꞌaxuan ñukama abi ꞌunánma ꞌikën.

1 Samuel 10:27

ꞌAínbi ka Israel uni aín patsan axa ñu upí kuëënkëma ax ami ꞌatimati banai ësai kikankëxa: —“¿Ënëx kara an nu ië́miti a ꞌik? Ësai kanankin a timai ka ax ka nun ꞌapu ꞌikë kisama tankankëxa; usai kikaniabi ka Saúlnën atu kuakëmasa okëxa.

1 Samuel 3:13

ꞌËn kana usabi okin aín aintsikama tëmëramiti ꞌai kixun kana a ñuixuan, usakin kana ꞌitsaira ꞌinun ñu ꞌaisama ꞌakë kupín ꞌati ꞌai kixun ka an ꞌunánxa; aín bakë bëchikë kaman ꞌën kuëënkëma ñukama ꞌaiabi ka usakin kamina ñu ꞌatima ꞌai kixun ꞌësëkin kakëma ꞌikën.

1 Samuel 3:7

Usa ꞌain ka Samuelnën Nukën ꞌIbu ꞌunánkëma pain ꞌiakëxa, usa ꞌixun ka uisakin kara Nukën ꞌIbun uni ñu ꞌakinia kixun ꞌunánkëma pain ꞌiakëxa.