1 Samuel 2:1 - Kashibo-Kakataibo Biblia

¹ Ësai ki ka Ana Diosbë banakëxa: Nukën ꞌIbu ꞌëx kana ꞌën nuitunënbi mi sinani kuëënin, min kamina amiribishi kushiñu ꞌinun ꞌë ꞌimian. Usa ꞌaish kana axa ꞌëmi nishkë unikama ñui banati ꞌain, min kamina ꞌë ꞌakian. ¡Usa ꞌain kana bërí kuëënin!

1 Samuel 2:1 ပူးပေါင်းရင်းမြစ်များ

Salmos 118:14

ꞌËx kana Dios rabi kantain, usa ꞌikë ka an ꞌë kushiñu ꞌimia. ¡Ax ka an ꞌë ië́mikë a ꞌikën!

Salmos 148:14

¡Diosan ka aín unikama kushioia! ¡Usa ꞌain ka nux aín uni ꞌixun rabimainun aín uni a ꞌurama ꞌikë akamanribi rabiti ꞌikën! ¡Usa ꞌain kananuna ashi ësokin rabiti ꞌain!

Salmos 51:15

ꞌËn ꞌIbu min kamina ꞌën kuëbitan bananun ꞌë ꞌimiti ꞌain, usakin ꞌën kuëbí ꞌakëxun kana anun upiti kantakin mi rabiti ꞌain.

Salmos 89:17

Asérabi kamina mix an nu kushiokë a ꞌain ꞌianan kamina nu upí ꞌimin; usakin ꞌimikëx nux kushiira ꞌikë ax ka mix kuëënxun usakin nu ꞌimikë ꞌikën.

Salmos 89:18

¡Dios ax ka aminu katamëkë manë pará okin ꞌakë usaribi ꞌikën! ¡Usa ꞌaish ka nukaman ꞌapu ꞌianan Israel unikaman ꞌapu ꞌaish upíira ꞌikën!

Salmos 89:24

Usa ꞌaish ka ꞌën nuibakin ꞌakinkë ax uisaibi ꞌikëma usabi ꞌiti ꞌikën, usai ꞌia kana ꞌën kushiira ꞌinun ꞌimiti ꞌain.

Éxodo 15:1

Usa ꞌain ka Moisés ꞌimainun israel unibunën ain ꞌIbu Dios a rabi ami kantakin kakëxa: ꞌËn ꞌIbu Dios rabi kana ami kantati ꞌain, an ka ꞌën iskëma ñu ꞌakin parúmpapanu kamabi caballo ꞌimainun anu ꞌikë unikama nanë́miaxa.

Éxodo 15:21

usai ꞌikin ka Maríanën kamabi xanu Dios rabi kantanun ka ukan kixun kai: Nun ꞌIbu rabi ësai kantai kiakëxa, an ka nu ië́mikin nun iskëma ñu ꞌakin faraónën suntárukama aín caballonu ꞌikëkama parúmpapanu nanë́miaxa.

Habacuc 3:1

Ënëx ka an Dios kikë bana ñuikë Habacucnën usakin Dios ñuká bana ꞌikën.

Lucas 1:69

An ca cushiira ꞌixuan an nu ië́miti axa unun mëníoxa. Ax ca an Nucën Papa Dios rabia David, aín rëbúnqui ꞌiti ꞌicën.

Romanos 5:11

Usaquin ꞌimicëx cananuna —Nucën ꞌIbu Jesucristo a cupí cana Nucën Papa Diosnan ꞌaish abë upí ꞌai —quixun ꞌunani cuëëinra cuëënin.

Deuteronomio 33:17

Ax ka a paian aín titan tuákë vaca bënë upíira bërí ꞌikën, usa ꞌaish ka vaca bënë raëkëma kushiira ꞌixuan, aín manchanën uni ꞌakësaribi okin abë ꞌakanankin kamabi menua unikama abë ꞌakanankin ꞌati ꞌikën. Usaribi ka Efraínën aintsikama ꞌaisamaira ꞌiti ꞌikën; ꞌimainun ka Manasésnën aintsikamaribi ꞌaisamaira ꞌaish tupuntisamaira ꞌiti ꞌikën.

Filipenses 3:3

Atúxa judíos uni ꞌicë ꞌunántiocë ꞌaínbi cananuna nux asérabi Nucën Papa Diosan uni ꞌain, aín Bëru Ñunshin Upitan ꞌimicëx. Usa ꞌixun cananuna a rabianan Cristo Jesúsmi catamëcë ꞌixun cuëënquin ꞌunanin, nux ꞌunántioracacë cupíma Cristo Jesúsmi catamëcë cupíshi cananuna Nucën Papa Diosan uni ꞌai quixun.

Filipenses 4:4

Mitsux camina Nucën ꞌIbu Jesucristonan ꞌai quixun sinani camina camabi nëtën uisa ñu cara ꞌicëbëbi chuámarua tani cuëënti ꞌain. Usai ꞌinun caxunbi cana mitsu catëcënin, chuámarua ca ꞌican.

Filipenses 4:6

Usa ꞌain camina uisa ñu cara ꞌicëbëbi bënë́tima ꞌain. Bënë́quinma camina abë banaquin Nucën Papa Dios a ñucama ñuiquin cati ꞌain. An mitsu ꞌaquinun ñucáquin camina ami catamëquin —asábi ca —quixun rabiquin cati ꞌain.

1 Pedro 1:8

A isúnmabi camina mitsun Jesucristo sinanin. Usa ꞌain camina a isaxmabi ami sinani chuámarua tani cuëëinra cuëënin, anúnmi uisairai caramina cuëëni quixun nu ñuixunti bana ꞌaíma ꞌaínbi.

Apocalipsis 18:20

Usai quianan ca ësairibi quiaxa: —Aín unicama paë tanmiquin tëmëramicë, a cupíquin ca Nucën Papa Diosan Babilonianu ꞌicë unicama cëñuaxa. Usaquin ꞌan ca naínu ꞌicëcama, ꞌimainun an aín bana ñuixunun Jesusan caíscë unicama, ꞌimainun an Nucën Papa Diosan bana uni ñuixuncë unicama, ꞌimainun axa ami catamëcë aín unicama, camáxbi cuëënti ꞌicën.

1 Samuel 1:6

Usokin ꞌakëbë ka Peniná ami ꞌitsaira nishakëxa, nishi ka a istisama tani Nukën ꞌIbun a tuánun ꞌimikëbëma ami kuaiakëxa.

1 Samuel 1:7

Kamabi baritia anuxun Nukën ꞌIbu rabiti xubunu kuankëtibi ka Peniná ami nishakëxa; usaía ami nishkëxun ꞌunankin ka Anan masá nuituti inkin piisama tankëxa.