1 Samuel 19:8 - Kashibo-Kakataibo Biblia

⁸ Usai anu ꞌikëbëbi ka amiribishi filisteo suntárukamax Israel unikamabë ꞌakanantëkënti sinánkëxa, sinan ka David filisteo unikamabë ꞌakanani kuankëxa, kuanxun ka Davidnën Israel suntárukamabëtan filisteo unikama raíri abátamainun ꞌitsa uni ꞌakëxa.

1 Samuel 19:8 ပူးပေါင်းရင်းမြစ်များ

Salmos 27:3

Suntárukaman ka ꞌë bëarabuinti ꞌikën, ꞌaínbi kana ꞌën nuitu kushiokin sinani rakuëtima ꞌain; ꞌë ꞌanux ꞌëmi ꞌikuatsinuxa mëníokakëbëbi kana chuámashirua ꞌiti ꞌain.

1 Samuel 18:14

Usa ꞌain ka Nukën ꞌIbun ꞌakinkëbë kamabi Davidtan ꞌakë ñukama asábi ꞌiakëxa.

1 Samuel 18:30

Usaia ꞌimainun ka filisteo suntárunën kushikama, Israel suntárubë ënananima abi ꞌakanani chikíakëxa, usai ꞌiabi ka Davidtan Saúlnën suntárunën kushikaman ꞌakësamaira okin ꞌakëxa, usakin ꞌakëbë ami rakuë́kin ka Israel kaman uisakinbi David káma ꞌikën.

1 Samuel 19:7

Usai kikiania aín papa kuantamainun ka Jonatánnën anua unëkë anua kuënkë́xa aia, usakian aín papa kakë banakama David ñuixuankëxa. Usokin ñuixunbiankin ka aín papa Saúlnu buánkëxa, buánkëx ka David bëráma ꞌikësaibi a ñu mëëxuni aín xubunu ꞌiakëxa.

1 Samuel 19:9

Usakia ꞌakë ꞌain ka Saúl aín xubunu aín manë xëtokë nanx tsókëbi Nukën ꞌIbun amiribishi ꞌatima sinánun ꞌimiakëxa, ꞌimimainun ka Davidtan aín arpa ꞌakësabi okin ꞌai tsóakëxa,