1 Samuel 19:7 - Kashibo-Kakataibo Biblia

⁷ Usai kikiania aín papa kuantamainun ka Jonatánnën anua unëkë anua kuënkë́xa aia, usakian aín papa kakë banakama David ñuixuankëxa. Usokin ñuixunbiankin ka aín papa Saúlnu buánkëxa, buánkëx ka David bëráma ꞌikësaibi a ñu mëëxuni aín xubunu ꞌiakëxa.

1 Samuel 19:7 ပူးပေါင်းရင်းမြစ်များ

Génesis 31:2

Usai ꞌain bëchikëkama a ñui kimainun ka Labán axribia ami nishia Jacobnën ꞌunánkëxa, usa ꞌixun ka bëráma ꞌakinsa okin ꞌiisama ꞌikën.

Éxodo 4:10

—¡Uisati kaina ꞌë usakin kai ꞌën ꞌIbu! —Kixun ka Moisésnën Dios kakëxa—. ꞌËx banati ka tëira ꞌikën, ꞌëx usai banakë ax ka bëríra usai ꞌëx banakëma ꞌikën, usa ꞌain ka, an mi ñu mëëxunti ënëx bëríra usai ꞌiama ꞌaish usaibi banaia. Usa ꞌain kana ꞌëx banaibi upiti banatima ꞌain.

1 Samuel 16:21

Usakin uamikëx a uani kuanx ka David Saúlnën xubunu bëbakëxa, bëbax anu ꞌia ka Saúlnën ain ñu mëëti ꞌaxúnun ꞌimiakëxa, ꞌimikëxun upíokin ñu mëia ꞌitsaira nuibakin ka Saúlnën an ꞌakinun kixun anëakëxa.

1 Samuel 18:10

A nëtë́an aín xubunuxunbi ñu mëëxuni anubi bërunu koonkë a pëkarakëbëtan Diosan anu xukëxun ñunshin ꞌatimanën anua ꞌikë ꞌapun xubu a ꞌukëmëu ꞌikëbia bikëx ñunshin bakëkësa ꞌiakëxa. ꞌIkëbëtan ka an ꞌakësabi okin arpa Davidtan ꞌakëxa, ꞌamainun ka Saúl ain manë xëtokë a rapasu nankë ꞌiakëxa.

1 Samuel 18:13

Usakin ꞌaxun ka a rapasu ꞌimikima chikíankëxa, chikínxun ka suntárunën ꞌapu comandante ꞌinun anëakëxa, anëkëxun ka aín suntárukama ꞌakanani kuanti ꞌain uantankëxun ꞌakanankuatsinkin bëakëxa.

1 Samuel 18:2

Usai ꞌia ka Saúlnën a nëtënbi anuxunbia aín ñu mëëti ꞌaxúnun ꞌamikin ain papan xubunu kuantanun xuisama tankëxa.

1 Samuel 19:6

Ësokian aín bakë bëchikë Jonatánnën kakëxun kuati sinanati ka Saúl munuma kuënkëni kiakëxa: —Asábi ka kana Nukën ꞌIbun kuamainun kin David kana uisabi otima ꞌain, asérabi ka añu ñu ꞌaisama ꞌakëma ꞌikën.

1 Samuel 19:8

Usai anu ꞌikëbëbi ka amiribishi filisteo suntárukamax Israel unikamabë ꞌakanantëkënti sinánkëxa, sinan ka David filisteo unikamabë ꞌakanani kuankëxa, kuanxun ka Davidnën Israel suntárukamabëtan filisteo unikama raíri abátamainun ꞌitsa uni ꞌakëxa.