1 Samuel 19:3 - Kashibo-Kakataibo Biblia

³ ꞌËx kana ꞌën papabë uinu kaina unëa anu kuanti ꞌain. Anuxun kana abë banakin uisai kara kia kuanuxun mi ñuikin kati ꞌain. Usokin katankëxun kana uisai kara kiaxa kixun mi ꞌunánun mi ñuixunti ꞌain.

1 Samuel 19:3 ပူးပေါင်းရင်းမြစ်များ

1 Samuel 19:2

usa ꞌain ka karaishikin kuanxun kakëxa: —ꞌËn papa Saúlnën ka uisoxun kara mi ꞌati ꞌikë kixun sinánkin baria. Usa ꞌain kamina imë́ishibi pëkarakëma ꞌaínshi kuantankëx uínbi anua mi mëratinuma unëti kuanti ꞌain.

1 Samuel 20:13

ꞌaínbi kana ꞌën papan mi ꞌatima oti sinántëkënkëbëtan ꞌën mi abátanun kanan upitaxmi kuantanun ꞌakiniama Nukën ꞌIbun uisakin kara ꞌaisa tania, usakin ꞌë ꞌatima oti ꞌikën. ¡Usa ꞌain ka Nukën ꞌIbun mi ꞌakinti ꞌikën ꞌën papa ꞌakiansaribi okin!

1 Samuel 20:9

Kakëxun ka Jonatánnën kakëxa: —¡Usakin kamina sinántima ꞌain! ꞌËn papan ꞌatimokin mimi sinania ꞌunánkin kana ꞌën mi kati ꞌain.