1 Samuel 19:24 - Kashibo-Kakataibo Biblia

²⁴ usai ꞌika uinu kara Samuel ꞌikë anu nukuxun aín chupa pëtankëxun a nëtënbi pëuxun ꞌabaikin a imë́ribi Diosan bana ñuiakëxa. Anuax ka ësai kiakëxa. “¿Saúl axribi kara an Dios kikë bana uni ñuixunkëkama achúshi ꞌik?”

1 Samuel 19:24 ပူးပေါင်းရင်းမြစ်များ

2 Samuel 6:14

Usa ꞌain ka David chupa efod lino ꞌakë a pañuax kuani ꞌain kushibëbi kuëëni ransakiankëxa,

2 Samuel 6:20

Usai kuankantámainun ka David aín xubunu aín xanu isi kuankëxa; kuankin aín xubunu nukúkin iskëxbi ka aín xanu Mical Saúlnën ꞌini bëchikë, ax kuania isbëtsini ukin kakëxa: —¡Bërí kamina mix Israelkaman ꞌapu ꞌaíshbi usai ꞌiax asábi bërúan, min kamina an ꞌë ñu ꞌaxunkë xanukaman ka isia kixun sinanimaishi uni nishkë ꞌikësaira rabinima usai ꞌian!

Miqueas 1:8

Usa ꞌain kana usokin ñu ꞌakankëbë anun ꞌitsaira masá nuituti nitë́xëti inti ꞌain; usai ꞌi kana ꞌën taxakabi ëchiax nianan ꞌën chupa pëaxribi niti ꞌain, ñuina raëkëma an nami paxa pikë axa masánuitukë usaribiti ꞌiti ꞌain, ꞌianan kana ñuina pëchiñu avestruz kakë aín tuakëxa banai sharákësaribi ꞌinun ꞌiti ꞌain.

Números 24:4

usa ꞌixun kana ꞌën Diosan bëru ñunshinan ꞌë ꞌunánmikëxun upíokin unánkin ꞌaia ka Dios kushiira kushi an ꞌë namákësa okin ismianan ain banaribi ꞌunánmia.

Hechos 9:21

Usoquian Saulonën bana ñuixunia cuati ca unicama ratuti a ñui quiacëxa: —Ënë unix ca an Jerusalénuxun ami catamëquin a ië́minun Jesús ñucácë unicama tëmëramicë, a ꞌicën. Ax ca sacerdotenën cushicamanu buánuxun ënu ꞌicë unicamaribi bitsi uaxa. ¿Usa cat?

1 Samuel 10:6

Usakin a iskëbë ka Nukën ꞌIbun Bëru Ñunshin mibë ꞌiti ꞌikën, ꞌimainun ka mibë ꞌikin an bana ñuixunkë unikaman sinánsaribi ꞌimikin bana ñuixunun mi ꞌimiti ꞌikën.

1 Samuel 15:35

Usai ꞌitankëxun ka Samuelnën uínsaranbi amiribishi Saúl istëkëama ꞌikën, a sinani ꞌitsaira masá nuitukinbi, ꞌimainun ka Dios anbi Israel kaman ꞌapu Saúl ꞌimiaxbi kuëanma ꞌikën.

1 Samuel 18:10

A nëtë́an aín xubunuxunbi ñu mëëxuni anubi bërunu koonkë a pëkarakëbëtan Diosan anu xukëxun ñunshin ꞌatimanën anua ꞌikë ꞌapun xubu a ꞌukëmëu ꞌikëbia bikëx ñunshin bakëkësa ꞌiakëxa. ꞌIkëbëtan ka an ꞌakësabi okin arpa Davidtan ꞌakëxa, ꞌamainun ka Saúl ain manë xëtokë a rapasu nankë ꞌiakëxa.