1 Samuel 19:23 - Kashibo-Kakataibo Biblia

²³ usakin kakëx ka Saúl anu kuankëxa. Kuantankëxa bëbaiabi ka aribi Diosan bëru ñunshinan an ribia bana ñuikë uni ꞌinun ꞌimiakëxa, ꞌimikëx ka Saúl axribi kuëëni ransakiani bain kuanx Ramá kakë ëma ꞌurama ꞌikë Naiot ëma chukúma anu bëbakëxa;

1 Samuel 19:23 ပူးပေါင်းရင်းမြစ်များ

Números 23:5

Ësokian kakëxun ka Nukën ꞌIbun usakian katánun kixun. Balaam kakëxa: —Amiribishi anua ꞌikë anu kuanxun kamima ꞌën mi kakë banakama a Balac kai kuanti ꞌain.

Números 24:2

Usakian Balaamnën Israel kama anu ꞌikë anua ain aintsibë aintsibë bukukë a iskëbëshi ka Diosan bëru ñunshin anu uakëxa;

Mateo 7:22

Anun ënë nëtëcama cëñúcë nëtën ca ꞌitsa unin ꞌë cati ꞌicën: Mix nun ꞌIbu ꞌain cananuna min cushínbi bana ñuixuan, min cushin ñunshin ꞌatima uninua chiquíanan cananuna min cushin uni itsin ꞌacëma ñu ꞌan.

Juan 11:51

Usai qui ca anbi sinani quiáma ꞌicën; ax a barin judíos sacerdotenën cushicaman ꞌapu ꞌixun ca Nucën Papa Diosan sinánmicëxun —judíos unicamaxa asábi ꞌinun ca Jesús bamati ꞌicë —quixun judíos ꞌapucama cacëxa.

1 Corintios 13:2

ꞌËn Nucën Papa Diosan a sinánmicë ñu ñuiquin unicama ñuixuanan, camabi ñu ꞌunánquin uni itsin ꞌunáncëma ñuribi ꞌunánan, —Nucën Papa Diosan ca ꞌë ꞌaquinti ꞌicë —quixun sinánquin aín cushin aín bashibi amanu tacuiabi, ca uni itsi nuibaquin ꞌacëma ꞌicë Nucën Papa Diosan ꞌë upí isima.

1 Samuel 10:10

Usai ꞌikiani kuanxa Saúl aín unibë Guibeá, anu bëbakë ꞌain ka, an Dios kikë bana ñuixunkë unikamax atubë mëranani kuankëxa. Kuankë ꞌain ka Diosan Bëru Ñunshin upitan abë ꞌixun ꞌamikëxun Saúlnën atun ꞌakësaribi okin bana ñuixunkin uni kuëënmiakëxa.

1 Samuel 10:12

ꞌAínbi ka atubë ꞌikë Israelkama achúshinëx ësai kiakëxa: “¿ꞌImainun kara uix ꞌain papa ꞌik?” An ka ꞌunánxa anun uni banakë bana kikësabi oi ꞌia. “¿Usa ꞌain kara Saúlribi an uni bana ñuixunkë unikama achúshi ꞌik?”

1 Samuel 10:6

Usakin a iskëbë ka Nukën ꞌIbun Bëru Ñunshin mibë ꞌiti ꞌikën, ꞌimainun ka mibë ꞌikin an bana ñuixunkë unikaman sinánsaribi ꞌimikin bana ñuixunun mi ꞌimiti ꞌikën.

1 Samuel 18:10

A nëtë́an aín xubunuxunbi ñu mëëxuni anubi bërunu koonkë a pëkarakëbëtan Diosan anu xukëxun ñunshin ꞌatimanën anua ꞌikë ꞌapun xubu a ꞌukëmëu ꞌikëbia bikëx ñunshin bakëkësa ꞌiakëxa. ꞌIkëbëtan ka an ꞌakësabi okin arpa Davidtan ꞌakëxa, ꞌamainun ka Saúl ain manë xëtokë a rapasu nankë ꞌiakëxa.

1 Samuel 19:18

Usai ka David aín xubunuax abákëxa. Abáx ka Samuel Ramá kakë ëmanua isi kuankëxa, kuanxun ka anu bëbaxun Saúlnën usokin ꞌakëkama ñuixuankëxa. Usai banakiani ka anuax David ꞌimainun Samuel ëma chukúma Naiot anu tsóti kuankëxa.

1 Samuel 19:20

kuaxun ka Saúlnën amiribishi aín unikama ñatanxua bëtánun kixun xuakëxa. Xukëx kuanx bëbakin, Saúlnën xukë unikaman iskëxbi ka Samuelnën an bana ñuikë unikamabëtan Diosan bana unikama ñuixunia nikë mërakëxa. Usakia isia ka Diosan bëru ñunshinan atúxribi an bana ñuikë unikama ꞌinun ꞌimiakëxa, usai ꞌikin ka bënë́kinshi bana ñuikankëxa.

1 Samuel 19:22

Usaia an xukë unikamax ꞌikëbë ka Saúl axbi Ramá kakë ëmanu kuankëxa, kuantankëx ka anua ꞌumpax nunkurukë Secú kakë ëmanu bëbakin, uinu karaisa Samuel ꞌimainun David ꞌia kixun ñukákëxa. Ñukatia ka achúshi unin ñuixuankëxa. Ax ka Naiot, Ramá kakë ëma ꞌurama anu ꞌia kixun ka kakëxa,