1 Samuel 19:14 - Kashibo-Kakataibo Biblia

¹⁴ Saúlnëan ꞌain unikama David ñatanti xukëbi ka Micalnën ꞌën bënë David ka ꞌisianxa kixun kakëxa.

1 Samuel 19:14 ပူးပေါင်းရင်းမြစ်များ

2 Samuel 17:20

Usokin ꞌanbi ka Absalónnën xukëx atu nuibiani kuankë suntárukamax anu bëbakin xubu ꞌibun xanu a ñukákëxa: —¿Ënu kara Ahimaas ꞌimainun Jonatán ukëma ꞌik? —Kixuan ñukákëxunbi ka báko kikiani kuania kana isan —kixun xanun kakëxa. Usa ꞌain ka Absalónnën suntárukama barikinbi ꞌakasmabiani amiribishi Jerusalénnu rikiantëkëankëxa.

Josué 2:5

Usa ꞌaish ka bari kuabuti ñantabukëma ꞌaínshi atux kuanxa, mitsúnbi kamina ꞌunan xupibutia bari kuabuti ñantabukëbëtainshi ka anun ëmanu atsínti xëkuë xëpúia, usa ꞌain kana uin kara atux kuanxa kixun ꞌunaniman. ꞌAínbi kamina mitsun bënëtishi kuankin nuibianxun sapi kamina kuania atu nukuti aín kixun ka xanun kakëxa.

1 Samuel 19:15

Usokin kakëx rikianxun a unikaman Saúl kakëxa, David ka ꞌinsínkë ꞌiaxa, kakëxun ka Saúlnën, amiribishi aín unikama David baritëkëntanun kixun ësokin kaxun xuakëxa: —¡ꞌIsianxa aín ꞌuxtinu rakakëbi kamina David ꞌaminun ꞌë bëxúnti ꞌain!

1 Samuel 19:20

kuaxun ka Saúlnën amiribishi aín unikama ñatanxua bëtánun kixun xuakëxa. Xukëx kuanx bëbakin, Saúlnën xukë unikaman iskëxbi ka Samuelnën an bana ñuikë unikamabëtan Diosan bana unikama ñuixunia nikë mërakëxa. Usakia isia ka Diosan bëru ñunshinan atúxribi an bana ñuikë unikama ꞌinun ꞌimiakëxa, usai ꞌikin ka bënë́kinshi bana ñuikankëxa.