1 Samuel 18:30 - Kashibo-Kakataibo Biblia

³⁰ Usaia ꞌimainun ka filisteo suntárunën kushikama, Israel suntárubë ënananima abi ꞌakanani chikíakëxa, usai ꞌiabi ka Davidtan Saúlnën suntárunën kushikaman ꞌakësamaira okin ꞌakëxa, usakin ꞌakëbë ami rakuë́kin ka Israel kaman uisakinbi David káma ꞌikën.

1 Samuel 18:30 ပူးပေါင်းရင်းမြစ်များ

2 Samuel 11:1

Anúan ꞌapukamax ꞌakanani kuanux aín suntárukamabë anu ꞌikë anuax ꞌuri kuantankëx timë́ti nëtë ꞌikëbëtan ka Davidnën comandante Joab Israel suntárukama buántanun kixun xuakëxa, xukëx kuanxun ka amonita suntárukama atubë ꞌakanankin ꞌakëxa, ꞌatankëxun ka Rabá kakë ëma a bikankëxa. ꞌAínbi ka David atubë kuanima Jerusalénnubi bërúakëxa.

2 Samuel 7:9

ꞌimixun kana uinu kara kuania anubi abë ꞌixun bërúan. Bërúanan kana kamabi ami nishkë unikama këñukin ꞌanun ꞌamia, ꞌamianan kana usakin ñu chaiira ꞌaia iskian, ënë menu ꞌikë an ñu upíokin ꞌakë ꞌapukama ꞌakësaribi okin, nuibanan an ñu ꞌaia isi kuëënun ꞌimian.

Salmos 116:15

Nukën ꞌIbun ka an nuibakë unikama, bamaia isti kuëënima.

Salmos 119:99

Usa ꞌixun kana anua kuakin an ꞌë ꞌunánmikë unikaman ꞌunánkësamaira okin, ꞌunánkin min banakama upíokin ꞌitsaira sinanin.

Daniel 1:20

Anuxun ka kamabi ñu ꞌunánkëira ꞌiti bana ꞌimainun, sinánñuira ꞌiti banakama a ꞌapun ñukákëxa, ñukákinbi ka an ñu ꞌunánkëira mërakëxa, usa ꞌaish, a menu ꞌikë an ñu tankë ꞌimainun an ñu ꞌunánkë unikamabëtan sënë́nmaira ꞌikë mërakëxa.

Efesios 5:15

Sinánñuma unisa ꞌima an Nucën Papa Diosan bana ꞌunáncë unisa ꞌixun camina ax quicësabi oquin ñu upíshi ꞌati ꞌain.

1 Pedro 2:4

Usa ꞌain camina axa bamatimoi tsócë, Jesucristo, a sinani ami catamëti ꞌain. Judíos unían cuëëncëma ꞌaíshbi ca anun cuëënquin Nucën Papa Diosan iscëx ax upíira ꞌicën. Unían xubu ꞌaquin maxax upí ami xubu raroti caíscë usaribi ca Jesucristo ꞌicën.

1 Pedro 2:7

Ami catamëcë ꞌixun camina mitsun anun cuëëncë ñu upí sináncësamaira oquin a sinánti ꞌain. Mitsux usai ꞌicëbëbi ca axa ami catamëcëma unicamax Nucën Papa Diosan bana cuënëo ësai quicësa ꞌicën: An maxax xubuacë unían bitancëxun a cuëënquinma racáncë ꞌaíshbi ca a maxax bërí amia xubu cushicë ꞌicën, itá upímia xubu cushicë usaribiti.

1 Samuel 18:29

ꞌunani ka bëráma ꞌikësamairai ami rakuë́akëxa, rakuë́ti ka abë nuibanantëkënima ami nishakëxa.

1 Samuel 18:5

Usa ꞌain ka Saúlnën ꞌakanantanun xukëtibi Davidnën filisteo suntárukama ainra kanankin kupitanuma ꞌakëxa, ꞌaia ka Saúlnën axa ꞌakanani kuanti suntárukama uanti aín kushi ꞌinun anëakëxa. Usokin anëkë ꞌain ka suntárukama ꞌimainun ain kushikamaxribi kuëëankëxa.

1 Samuel 19:8

Usai anu ꞌikëbëbi ka amiribishi filisteo suntárukamax Israel unikamabë ꞌakanantëkënti sinánkëxa, sinan ka David filisteo unikamabë ꞌakanani kuankëxa, kuanxun ka Davidnën Israel suntárukamabëtan filisteo unikama raíri abátamainun ꞌitsa uni ꞌakëxa.

1 Samuel 2:30

Usa ꞌain ka Israel unibunën Dios an mi ꞌimainun min aintsi aín ñu mëëti ꞌaxúnun ꞌinánkë ax bërí kiaxa: Uinsaranbi kana atun ësokin, ꞌë ñu ꞌaxúnun ꞌamitima ꞌain, ꞌakinma kana an ꞌë nuibakë aribi nuibati ꞌain, ꞌanan kana ꞌëmi kuaikin ñu ꞌakë a nuibatima ꞌain. ꞌËx min ꞌIbuira ꞌaish kana ësai kin.