1 Samuel 18:3 - Kashibo-Kakataibo Biblia

³ Anuax ka uínsaranbi ënanantëkënuxma ꞌunánankatsi kiax Jonatán ꞌimainun David kanankëxa, usai kanantankëx ka Jonatán ꞌimainun David ꞌitsaira bëruanankëxa.

1 Samuel 18:3 ပူးပေါင်းရင်းမြစ်များ

1 Samuel 19:1

Achúshi nëtën ka Saúlnën aín bakë bëchikë Jonatán ꞌimainun an ꞌakinkë suntárunën kushikama David isa ꞌanun kixun kakëxa. ꞌAínbi ka Jonatán ax Davidbë nuibanankë ꞌiakëxa,

1 Samuel 20:41

Usakia kakëxa uni bëna ax kuankëbë ka David maxá chabu ꞌikë a kaxú chikíakëxa, chikiti ka Jonatán bëtánain aín bëmána memi bëtiki rantinpuruni achúshi ꞌimainun rabë́ oi ꞌiakëxa. Usai ꞌitankëx ka a rabëtaxi bëtsuku kánani iankëxa, ini ka David intëkëinsamaira oi ꞌinun iankëxa.

1 Samuel 20:42

Usai ꞌitankëx sënënia ka Jonatánnën David kakëxa: —Chuámashi kamina kuanti ꞌain, nu rabëtax kananuna amiribishi bëtsiokin sinántëkëntima oi, Nukën ꞌIbun ismainunbi kian, ꞌimainun kananuna nu rabë́a ënxuma ꞌanun kan, usa ꞌain kananuna uínsaranbi ënananima nuibananti ꞌain, usa ꞌain ka min rëbúnkikama ꞌakianan ꞌën rëbúnki kamaribi ꞌakinti ꞌikën. Ësokin katankëx ka David kuantamainun Jonatánnëx anuaxa ukë ëmanu kuantëkëankënxa.