1 Samuel 18:28 - Kashibo-Kakataibo Biblia

²⁸ Usakin ꞌinánkëxun ka Saúlnën Nukën ꞌIbun ka David ꞌakinia, usa ꞌikë ka ꞌën bëchikë Milcánën kuëënia kixun ꞌunánkëxa,

1 Samuel 18:28 ပူးပေါင်းရင်းမြစ်များ

Génesis 26:28

Ësokian kakëxunbi ka atun kakëxa: —Nun kananuna mi isan mix kamina Nukën ꞌIbu abë ꞌain, usa ꞌikë an mi ꞌakinia kananuna unan, usa ꞌain kananuna nukaman achúshi ñu mibëtan ꞌati ain. A achúshi ñu ꞌati ax ka ꞌikën:

Génesis 30:27

Kakëxunbi ka aín kuku Labánën kakëxa: —Usama ka ꞌëbëbi ꞌi kamina bërúti ꞌain. ꞌËn kana ꞌunanin Nukën ꞌIbun ka ꞌën sinánkëxun mix ënu ꞌëbë ꞌain ꞌitsaira ꞌë ꞌakinia usa ꞌain.

Génesis 39:3

ꞌAkinkëxuan upíokin Josénën ñu mëía ka a ñu mëxunkë unin, aín ꞌIbun ka Josébë ꞌixun ꞌakinia kixun. Usa ꞌain ka Josénën mëëkë ñukamax upí ꞌiakëxa.

Apocalipsis 3:9

Usa ꞌain cana ñunshin ꞌatimanën ꞌapun sinánmicë unicama axa, ꞌëx cana asérabi judío uni ꞌai quibi cëmëi ꞌëmi sináncëma unicama a mitsun bana cuatia mitsumi sinánun ꞌimiti ꞌain. ꞌImicëxun ca ꞌunánti ꞌicën, ꞌën cana asérabi mitsu nuibati quixun.

1 Samuel 18:20

ꞌAínbi ka Mical Saúlnën ꞌini bëchikë xanuitsi a Davidtan mërati okë ꞌiakëxa. Mërati okë ñuikania kuati ka Saúl asábi ka kixun sinani kuëëankëxa,

1 Samuel 18:27

Ësakin sinánkin ka David ain suntárukama uani kuanx abë ꞌakanankin doscientos filisteo suntáru ꞌakëxa. ꞌAtankëxun bibiankin ka filisteo suntárunën nëtokë ñu rëbu maxaka ꞌapu aín piaka ꞌisatankin, buánxun ꞌinánkëxa, ꞌinánkëxun ka Saúlnën aín ꞌini bëchikë Milcá ꞌain xanu ꞌinun ꞌinánkëxa.

1 Samuel 18:29

ꞌunani ka bëráma ꞌikësamairai ami rakuë́akëxa, rakuë́ti ka abë nuibanantëkënima ami nishakëxa.

1 Samuel 24:20

Bërí kana upíokin ꞌunanin mixmi Israel kaman ꞌapu ꞌain ka atun min kakësabiokin ꞌai upitax bukukanti ꞌikën.