1 Samuel 18:25 - Kashibo-Kakataibo Biblia

²⁵ Usakin ñuixunkëxun ka Saúlnën an ñu ꞌakinkë unikama David filisteo unikama ꞌamiti sinánkin ësakin kakëxa: —David kamina ꞌën ꞌini bëchikë aínan ꞌiti bikian, añubi ꞌë ꞌinanxuma ꞌanun kati ꞌain, ꞌëx kana ꞌapu ꞌaish kuëënin ꞌëa cien filisteo uni ꞌaxun aín nëtokë ñu rëbu maxaka tëakin bixun bëxunun kati ꞌain, usakin ꞌakëbëtan kana ꞌëmi nishkë unikama ꞌatima oti ꞌain. Asérabi ka Saúl filisteo unikaman ꞌati kuëëankëxa.

1 Samuel 18:25 ပူးပေါင်းရင်းမြစ်များ

Génesis 29:18

Usa ꞌikë ka Jacobnën Raquel a ꞌitsaira kuëëankëxa, kuëënkin ka aín papan ñukákëxun kakëxa: —Min bëchikë ꞌanáka Raquel a kupín, kana mapai ꞌimainun rabë́ baritia ꞌimikin mi ñu mëëxunti ꞌain.

Génesis 34:12

Nun kananuna bëtsi uni ꞌitsamashi kupíokin ꞌaxëkë ꞌain, ꞌaínbi kananuna mitsux kuëënia min chirabakë kupín uiti karamina kuëënin atibi mitsu ꞌinánan a ñukama kaina kuëënin akamabi mitsu ꞌinánun ꞌë kati ꞌain, ꞌaínbi kana ꞌëx pain mitsun chirabakëbë birananti ꞌain.

Josué 5:3

Kakëxun ka Josuénën maxáx kuënukin ꞌatankëxun kamabi Israel nukëbënë unikama aín nëtokë ñun maxaka matá me Aralot kakë anuxun tëapakëxa.

1 Samuel 14:24

ꞌAínbi ka israel suntárukama a nëtë́an, añu ñubi pima panankë ꞌaish atun nami kushima ꞌaish bënainsabu ꞌiakëxa, ësakian Saúlnën manukinma a sinánun kikë ꞌain: Uin kara bari xupibukëbëtan ꞌën ꞌëmi nishkë unikama ꞌakin pëukë ꞌaímabi ñu pia ax ka ꞌatima okë ꞌiti ꞌikë, kiaxa Saúl kikë ꞌain ka a nëtën ñu pikëma ꞌaish Israel unikama usai ꞌiakëxa.

1 Samuel 17:26

Usa ꞌain ka Davidnën usai kia kuakëma ꞌixun a rapasu ꞌikë suntárukama ñukákëxa: —¿Añu kara an filisteo uni axa Israelkama ꞌakatsikiax xuamati banakë a nëtë́tanun ꞌaia an ꞌakë uni a ꞌinánti ꞌik? ¿Ax añuira ꞌixun kara a filisteo uni upíma ꞌixun an Diosan kaískë unikama usokin ꞌakatsikixun ñuiti ꞌik?

1 Samuel 17:36

Usokin kana ꞌën paru ꞌinúan ꞌananbi xaëón an mi ñu mëëxunti ënën rëtëkë ꞌikën. Usaribi okin kana filisteo uni an bëtsi ñu rabikë a ꞌati ꞌain, usa ꞌaínbi ka an Diosan kaískë unikama ꞌakatsikiax ami banaia.

1 Samuel 18:17

Achúshi nëtën ka Saúlnën David kakëxa: —ꞌËn ꞌini bëchikë apan Merab kakë a kana min xanu ꞌinun mi ꞌinánti ꞌain, usa ꞌain kamina mix ꞌakanantimi rakuë́tima Nukën ꞌIbu mi ꞌakinkëx ꞌakánanti ꞌai kixun kakëxa. ꞌAínbi ka Saúlnën anbi ꞌakinma, këmëxun filisteo suntárukama ꞌamiti sinánxun usakin kakëxa.

1 Samuel 18:24

Kakëx anu kuantëkënxun ka Saúl an ñu mëëxunkë unikaman usakian Davidtan atu kakë bana ñuikin kakëxa.

1 Samuel 19:1

Achúshi nëtën ka Saúlnën aín bakë bëchikë Jonatán ꞌimainun an ꞌakinkë suntárunën kushikama David isa ꞌanun kixun kakëxa. ꞌAínbi ka Jonatán ax Davidbë nuibanankë ꞌiakëxa,