1 Samuel 18:21 - Kashibo-Kakataibo Biblia

²¹ kuëënkin ka David aín xanu ꞌixun ka an paránxun filisteo suntárukama ꞌamiti ꞌikë kixun sinánkëxa. Usakin sinánxun ka amiribishi David katëkëankëxa: —Bëríra kamina ꞌën piaka ꞌinuxun ꞌain.

1 Samuel 18:21 ပူးပေါင်းရင်းမြစ်များ

Éxodo 10:7

Usakin kabiani kuankëbëtan ka an ñu mëëxunkë unikaman faraón kakëxa: —¿Urainra kara ënë unikaman nu ësokin ꞌatima oti ꞌik? Usa ꞌain kamina mix ꞌapu ꞌixun atun Dios rabia kuantanun xuti ꞌain. ¿Mix ꞌapu ꞌixunbi karamina kamabi Egipto me ka ꞌatimatia kixun isiman?

1 Samuel 18:17

Achúshi nëtën ka Saúlnën David kakëxa: —ꞌËn ꞌini bëchikë apan Merab kakë a kana min xanu ꞌinun mi ꞌinánti ꞌain, usa ꞌain kamina mix ꞌakanantimi rakuë́tima Nukën ꞌIbu mi ꞌakinkëx ꞌakánanti ꞌai kixun kakëxa. ꞌAínbi ka Saúlnën anbi ꞌakinma, këmëxun filisteo suntárukama ꞌamiti sinánxun usakin kakëxa.

1 Samuel 18:22

Ësokin katankëxun ka Saúlnën an ñu mëëxunkë unikama kakëxa: —Mitsunribi kamina abë banakin ꞌapun ka ꞌitsaira mi kuëënia kixun kati ꞌain, usa ꞌain kamina mix ꞌapun piaka ꞌiti ꞌain kixunribi kanan, an ñu mëëxunkë nukamanribi kananuna mi nuibati kixun kati ꞌain, usa ꞌain kamina mix aín piaka ꞌiti ꞌain kixuan kanun ka kakëxa.

1 Samuel 18:26

Ësokin kakëxun ka an Saúl ꞌakinkë unikaman ënë bana ñuikin David kakëxa, kakëxun ka Davidtan asérabi kana ꞌapun piaka ꞌiti ꞌai kixun sinánkëxa. Usa ꞌain ka Saúlnën usakin ꞌanun kakë bana sinánkin a nëtën bënun kakë a nëtë ꞌikëma ꞌaínbi kana aín nëtokë ñu rëbu a bëxúnti ꞌai kixun sinánkëxa.